ডিজিটেল ডেস্কঃ উত্তৰ প্ৰদেশৰ গাজিয়াবাদৰ কবিনগৰ অঞ্চলৰ পৰা পোহৰলৈ আহিছে এজন নাবালক ল’ৰাৰ ধৰ্মান্তকৰণৰ ঘটনা। ইয়াত নাবালক ল’ৰাজনৰ দেউতাকে বহু সময় ধৰি তাৰ আচৰণ চাই আছিল যদিও যেতিয়া তেওঁক এই বিষয়ে সোধা হৈছিল, তেতিয়া তেওঁ কোনো কথা কোৱাৰ পৰা বিৰত আছিল। ল'ৰাটোৱে জিমলৈ যোৱাৰ উজুহাতত দিনটোত ৫ বাৰ ঘৰৰ বাহিৰলৈ ওলাই আহিছিল। দেউতাকৰ সন্দেহ হ’লত ল’ৰাজনক অনুসৰণ কৰি প্ৰকৃত সত্য উদঘাটন কৰে। ল’ৰাটোৰ পিছে পিছে যোৱাৰ লগে লগে দেখা গ’ল যে তেওঁ দিনটোত ৫ বাৰকৈ নামাজ পঢ়িবলৈ ঘৰৰ পৰা ওলাই যায়। অনলাইন গেমিংৰ বাবে ল’ৰাজন এই "বিপদত" পৰা বুলি পিতৃৰ অভিযোগ। তেওঁ গাজিয়াবাদ আৰক্ষী আয়ুক্তক এই বিষয়ক সহায় বিচাৰিছে।
সোধপোছ কৰাত ল’ৰাজনে ক’লে যে তেওঁ ইছলাম ধৰ্ম গ্ৰহণ কৰিছে।ইপিনে পিতৃয়ে পুত্ৰৰ লেপটপটো পৰীক্ষা কৰিলে দেখা গ’ল যে ইছলামৰ সৈতে জড়িত ধৰ্মীয় তথ্যৰ উপৰিও তাত অবৈধ বস্তুও পোৱা গৈছে। তেওঁ আশংকা কৰিছিল যে অজানিতে তেওঁৰ পুত্ৰক জেহাদৰ দৰে কামত ব্যৱহাৰ কৰা হ’ব পাৰে।
ল’ৰাটোৰ লেপটপত উদ্ধাৰ হৈছে উগ্ৰ ইছলামিক প্ৰচাৰক জাকিৰ নাইকৰ কেইবাটাও ভিডিঅ’। ল'ৰাটো জাকিৰৰ সমৰ্থক হৈ পৰিছে। এনে অৱস্থাত ল’ৰাটোৰ পিতৃয়ে পোনে পোনে আৰক্ষীৰ ওচৰলৈ যায় আৰু তেওঁৰ এজাহাৰত গাজিয়াবাদ আৰক্ষীত এজাহাৰ দাখিল কৰে। বৰ্তমান এই সমগ্ৰ বিষয়ৰ তদন্তত নিয়োজিত হৈ আছে আৰক্ষী।
গাজিয়াবাদ আৰক্ষীৰ তদন্তত দেখা গৈছে যে পুত্ৰই অনলাইন গেমিংৰ জৰিয়তে মুম্বাইৰ বড্ডো নামৰ যুৱকৰ সংস্পৰ্শলৈ আহিছিল। লাহে লাহে তেওঁ বড্ডোৰ প্ৰভাৱত পৰিল আৰু ধৰ্মান্তৰিত হ'ল।বড্ডোৰ বাহিৰেও আন বহু মানুহৰ লগত ঘণ্টাৰ পিছত ঘণ্টা কথা পাতিছিল। আৰক্ষীয়ে জনোৱা মতে, আগতে ল’ৰাজনে যিসকল লোকৰ লগত কথা পাতিছিল, তেওঁলোকৰ সংখ্যা পোৱা গৈছে আৰু সকলোৰে তদন্ত চলি আছে। এই লোকসকলৰ কথা-বতৰাৰ প্ৰভাৱতহে নাবালকজনে ইছলাম ধৰ্ম গ্ৰহণ কৰিছে বুলি ধাৰণা কৰা হৈছে।
Continue Reading
