ডিজিটেল ডেস্কঃ জুন মাহত প্ৰাইড মাহ পালন কৰা হয়। এই মাহটো ১৯৬৯ চনত সমকামী মুক্তিৰ ধাৰাবাহিক প্ৰতিবাদ ষ্টোনৱাল সংঘৰ্ষৰ সৈতে জড়িত ব্যক্তিসকলৰ বাবে উৎসৰ্গিত কৰা হয়।প্ৰতি বছৰে ২৮ জুনত প্ৰাইড ডে’ পালন কৰা হয়।
১৯৯৯ আৰু ২০০০ চনত বিল ক্লিণ্টনে প্ৰাইড মাহক আনুষ্ঠানিকভাৱে স্বীকৃতি দিয়া প্ৰথমজন আমেৰিকাৰ ৰাষ্ট্ৰপতি হিচাপে পৰিগণিত হয়। ভূতপূৰ্ব মাৰ্কিন ৰাষ্ট্ৰপতি বাৰাক ওবামাই আমেৰিকাৰ এলজিবিটি অধিকাৰৰ ইতিহাসৰ এক গুৰুত্বপূৰ্ণ পৰিঘটনাৰ স্থান, ১৯৬৯ চনত নিউয়ৰ্ক চহৰত ষ্টোনৱাল সংঘাতক ৰাষ্ট্ৰীয় স্মৃতিসৌধ হিচাপে ঘোষণা কৰে, সমকামী আমেৰিকানসকলৰ সাফল্যক স্বীকৃতি দিয়া এই ঘটনাই প্ৰথম।
প্ৰাইড মাহৰ ইতিহাস আৰু ইয়াৰ কেনেকৈ আৰম্ভ হৈছিল:
প্ৰাইড মাহৰ ইতিহাস ১৯৬৯ চনৰ পৰাই আৰম্ভ হয়, যেতিয়া মানহাটানৰ গ্ৰীণউইচ ভিলেজৰ ষ্টোনৱাল ইন গে বাৰত আৰক্ষীৰ অভিযান চলিছিল যিয়ে সংঘাতৰ সূচনা কৰিছিল আৰু লেচবিয়ান, গে, বাইচেক্সুৱেল লোকসকলক আমেৰিকাৰ মূলসুঁতিলৈ অনাৰ বাবে দীৰ্ঘদিনীয়া সংগ্ৰামৰ সূচনা কৰিছিল আৰু তেওঁলোকৰ অধিকাৰ নিশ্চিত কৰাত সহায় কৰিছিল৷
১৯৬৯ চনৰ জুন মাহৰ শেষৰ ফালে আৰু জুলাই মাহৰ আৰম্ভণিতে নিউয়ৰ্কত হোৱা পৰিঘটনাই সমসাময়িক আমেৰিকাৰ সমকামী অধিকাৰ আন্দোলন আৰম্ভ কৰাত সহায় কৰিছিল।
ষ্টোনৱাল সংঘাত আছিল ষ্টোনৱাল ইনৰ ক্লায়েণ্ট আৰু আৰক্ষীৰ মাজত ক্রিষ্টোফাৰ ষ্ট্ৰীটত এসপ্তাহৰ হিংসাত্মক যুদ্ধ যিয়ে নিয়মীয়াকৈ পাবটোত প্ৰতিবাদৰ সৃষ্টি কৰিছিল, সেই সময়ৰ নৈতিকতা আইন অনুসৰি সমকামীসকলক আটক কৰি ৰাখিছিল।
যিবোৰ দেশে প্ৰাইড মাহক স্বীকৃতি দিয়ে
আমেৰিকাৰ উচ্চতম ন্যায়ালয়ে ২০১৫ চনত ৫০খন ৰাজ্যৰ সকলোতে সমলিংগ বিবাহক বৈধতা প্ৰদান কৰে।ভাৰতত ২০১৪ চনত সমকামী ব্যক্তিক আনুষ্ঠানিকভাৱে "তৃতীয় লিংগ" হিচাপে স্বীকৃতি দিয়া হয়, আৰু পিছত উচ্চতম ন্যায়ালয়ে ২০১৭ চনত যৌন অভিমুখক গোপনীয়তাৰ মৌলিক অধিকাৰ হিচাপে ঘোষণা কৰে। ২০১৮ চনত এটা ডাঙৰ সিদ্ধান্তই ঔপনিৱেশিক যুগৰ এখন আইন বাতিল কৰি সমকামিতাক অপৰাধমুক্ত কৰি পেলায়। উচ্চতম ন্যায়ালয়ে ২০২২ চনত ঘোষণা কৰিছিল যে অবিবাহিত সংগী বা সমলিংগ দম্পতীয়ে সামাজিক সুবিধা লাভৰ যোগ্য। ২০২৩ চনত উচ্চতম ন্যায়ালয়ে সমলিংগ বিবাহক আইনী স্বীকৃতি বিচৰা আবেদনসমূহৰ পৰীক্ষা বৰ্তমান কৰি আছে।
সমলিংগ বিবাহ বৈধ দেশসমূহৰ তালিকা: কোষ্টাৰিকা (২০২০), উত্তৰ আয়াৰলেণ্ড (২০১৯), ইকুৱেডৰ (২০১৯), টাইৱান (২০১৯), অষ্ট্ৰিয়া (২০১৯), অষ্ট্ৰেলিয়া (২০১৭), মাল্টা (২০১৭), জাৰ্মানী ( ২০১৭), কলম্বিয়া (২০১৬), আমেৰিকা যুক্তৰাষ্ট্ৰ (২০১৫), গ্ৰীণলেণ্ড (২০১৫), আয়াৰলেণ্ড (২০১৫), ফিনলেণ্ড (২০১৫), লাক্সেমবাৰ্গ (২০১৪), স্কটলেণ্ড (২০১৪), ইংলেণ্ড আৰু ৱেলছ (২০১৩), ব্ৰাজিল (২০১৩) , ফ্ৰান্স (২০১৩), নিউজিলেণ্ড (২০১৩), উৰুগুৱে (২০১৩), ডেনমাৰ্ক (২০১২), আৰ্জেণ্টিনা (২০১০), পৰ্তুগাল (২০১০), আইচলেণ্ড (২০১০), ছুইডেন (২০০৯), নৰৱে (২০০৮), দক্ষিণ আফ্ৰিকা ( ২০০৬), স্পেইন (২০০৫), কানাডা (২০০৫), বেলজিয়াম (২০০৩), নেদাৰলেণ্ড (২০০০)।
আমেৰিকাৰ উপৰিও ভাৰত, ব্ৰিটেইন, কানাডা, ব্ৰাজিল, অষ্ট্ৰিয়া, আয়াৰলেণ্ড, নিউজিলেণ্ড আদি দেশতো জুন মাহক প্ৰাইড মাহ হিচাপে পালন কৰা হয়।
Continue Reading
