জন আব্ৰাহামৰ ইনষ্টাগ্ৰাম একাউণ্ট হেক! কি কৰিলে হেকাৰে?

ডিজিটেল ডেস্ক: বলীউডৰ হেণ্ডছাম হাংক জন আব্ৰাহামৰ ইনষ্টাগ্ৰাম একাউণ্ট হেক হৈছে! ৯.৭ মিলিয়ন ফল'ৱাৰ থকা জন আব্ৰাহামৰ ইনষ্টাগ্ৰামৰ সকলো পোষ্ট দিলিট কৰি দিয়া হৈছে। লক্ষ্যণীয়ভাবে এইমূহুৰ্তলৈকে অভিনেতাজনৰ পৰা একো প্ৰতিক্ৰিয়া নহাত ঘটনাটোৱে কৌতুহলৰ সৃষ্টি কৰিছে। জনৰ ইনষ্টাগ্ৰাম একাউণ্ট সঁচাকৈ হেকাৰৰ কৱলত পৰিছে নে এয়া অভিনেতাজনৰ কিবা নতুন খবৰৰ আগজাননী!

সুঠাম চেহেৰাৰ বাবে অসংখ্য অনুৰাগীৰ প্ৰিয় অভিনেতা জন আব্ৰাহামৰ ইনষ্টাগ্ৰাম হেক হোৱা ঘটনাই ইতিমধ্যে চৰ্চা লাভ কৰিছে। ৪৯ সংখ্যক জন্মদিনৰ পূৰ্বে বলীউড অভিনেতাজনৰ ইনষ্টাগ্ৰাম একাউণ্টৰ এনে ঘটনাই বিপাঙত পেলাইছে অনুৰাগীক। ১৭ ডিচেম্বৰত নিজৰ ৪৯ সংখ্যক জন্মদিন উদযাপন কৰিব জন আব্ৰাহামে। জন্মদিনৰ প্ৰাকক্ষণত অভিনেতাজনৰ ইনষ্টাগ্ৰাম পোষ্ট ডিলিট হোৱাৰ আঁৰত কিবা নতুন খবৰ লুকাই আছে নেকি? সেহতীয়াকৈ মুক্তিলাভ কৰিছে জন আব্ৰাহাম অভিনীত 'সত্যমেৱ জয়তে-২'। প্ৰকাশিত তথ্য অনুসৰি নিজৰ আগন্তুক ছবি 'এটেক'ৰ শ্বুটিঙত ব্যস্ত আছে অভিনেতাজন। 'এটেক'ত ব্যস্ত জন আব্ৰাহামৰ ইনষ্টাগ্ৰামত হেকাৰে এটেক কৰিলে নেকি!