ডিজিটেল ডেস্ক: ‘এইখন দেশ তোমালোকৰ নহয়৷ এইখন হিন্দুৰ দেশ৷ তোমালোক মুছলমান, সেয়ে পাকিস্তানলৈ গুচি যোৱা৷’ পশ্চাদগামী চিন্তাৰ উকমুকনি নতুন ভাৰতত৷
সাম্প্ৰদায়িকতাবাদৰ চূড়ান্ত ৰূপ দেখা গ’ল কৰ্ণাটকৰ এখন বিদ্যালয়ত৷ কৰ্ণাটকৰ শিৱমোগা জিলাৰ এখন বিদ্যালয়ৰ এগৰাকী হিন্দু শিক্ষয়িত্ৰীয়ে মুছলমান শিক্ষাৰ্থীক উদ্দেশ্যি কৰিছে এই ভয়ংকৰ সাম্প্ৰদায়িক মন্তব্য৷ এই বিষয়টোৱে যথেষ্ট প্ৰতিক্ৰিয়াৰ সৃষ্টি কৰিছে কৰ্ণাটকত৷
আৰু শেহতীয়া খবৰ অনুসৰি, বিভাগীয় তদন্তৰ পাছত শিক্ষয়িত্ৰীগৰাকীৰ ক্ষেত্ৰত শাস্তিমূলক ব্যৱস্থা গ্ৰহণ কৰিছে৷ অভিযোগ অনুসৰি মঞ্জুলা দেৱী নামৰ এগৰাকী শিক্ষয়িত্ৰীয়ে ছাত্ৰ-ছাত্ৰীসকলক পাকিস্তানলৈ যাবলৈ পৰামৰ্শ আগবঢ়াইছিল৷ ইতিমধ্যে শিক্ষয়িত্ৰীগৰাকীক বদলি কৰা হৈছে৷
কিছুমান মুছলমান শিক্ষাৰ্থীয়ে তেওঁৰ বিৰুদ্ধে আনুষ্ঠানিক অভিযোগ দাখিল কৰাৰ পাছত ঘটনাটো পোহৰলৈ অনা হৈছিল।
খণ্ড শিক্ষা বিষয়া পি নাগৰাজে নিশ্চিত কৰিছে যে ছাত্ৰ-ছাত্ৰীৰ অভিযোগৰ ওপৰত আধাৰ কৰি ব্যৱস্থা গ্ৰহণ কৰা হৈছে৷
Continue Reading
