ডিজিটেল ডেস্কঃ সাতটা পৰ্যায়ত দেশত চলি আছে লোকসভাৰ নিৰ্বাচন। একেৰাহে তৃতীয়বাৰৰ বাবে প্ৰধানমন্ত্ৰী পদত অধিষ্ঠিত হোৱাৰ লক্ষ্য ৰাখি প্ৰধানমন্ত্ৰী নৰেন্দ্ৰ মোদীয়েও দেশৰ প্ৰান্তে প্ৰান্তে দিন-ৰাতি সমান কৰি নিৰ্বাচনী প্ৰচাৰ চলাই গৈছে। মোদীয়ে তেওঁৰ বয়সৰ কথা পাহৰি এগৰাকী চফল ডেকাৰ দৰেই নিৰ্বাচনী প্ৰচাৰত নামি পৰিছে।
কিন্তু কোনো এখন জনসভাতে মোদীৰ মুখত ভাগৰ লেশমানো চিন দেখিবলৈ পোৱা হোৱা নাই। সেয়ে বহুতৰে মনত প্ৰায়ে এটা প্ৰশ্নৰ উদয় হয়মোদীৰ ভাগৰ নালাগে নেকি? এক সাক্ষাকাৰত মোদীক এই বিষয়ে সোধাত ৭৩ বছৰীয়া মোদীয়ে কয়- "যেতিয়া মোৰ মা জীয়াই আছিল, মই বিশ্বাস কৰিছিলো যে মই জৈৱিকভাৱে জন্মগ্ৰহণ কৰিছিলো। তেওঁৰ মৃত্যুৰ পিছত, মোৰ সকলো অভিজ্ঞতা জুকিয়াই চাই মই নিশ্চিত হৈছো যে ঈশ্বৰেই মোক পঠিয়াইছে। এই শক্তি মোৰ জৈৱিক শৰীৰৰ পৰা অহা হ'ব নোৱাৰে, ঈশ্বৰে মোক এই শক্তি প্ৰদান কৰিছে। মই বিশ্বাস কৰোঁ যে ঈশ্বৰে মোক এটা উদ্দেশ্যৰ বাবে প্ৰেৰণ কৰিছে আৰু সামৰ্থ্য, অনুপ্ৰেৰণা তথা ভাল উদ্দেশ্য সাধন কৰিবলৈ দিছে... মই নিমিত্তহে মাত্ৰ । যেতিয়াই মই কিবা কৰোঁ, মই বিশ্বাস কৰোঁ যে ঈশ্বৰে মোক পথ প্ৰদৰ্শন কৰে।
Continue Reading
