ডিজিটেল ডেস্কঃ ভাৰতলৈ আহি নিৰুদ্দিষ্ট হোৱা বাংলাদেশৰ সাংসদ আনোৱাৰুল আজিমৰ মৃতদেহ আজি কলকাতাৰ নিউটাউন অঞ্চলৰ এক আবাসিক এলাকাৰ পৰা উদ্ধাৰ কৰা হৈছে। আনোৱাৰুল আজিমৰ ব্যক্তিগত সহায়ক আব্দুৰ ৰৌফে এই কথা সদৰি কৰিছে। ইয়াৰোপৰি স্থানীয় সংবাদ মধ্যমতো সাংসদজনৰ মৃতদেহ উদ্ধাৰৰ বাতৰি প্ৰকাশ পাইছে। এই ঘটনা সন্দৰ্ভত তিনিজনকৈ লোকক আৰক্ষীয়ে আটক কৰিছে বুলি জানিবলৈ দিয়ে সাংসদজনৰ ব্যক্তিগত সহায়কজনে।
বুধবাৰে এক শোকবাৰ্তাৰ জৰিয়তে সংসদজনৰ মৃত্যুত শোক প্ৰকাশ কৰে বাংলাদেশৰ প্ৰধানমন্ত্ৰী শ্বেখ হাচিনাই। ইফালে সাংসদজনক পৰিকল্পিত ভাবে হত্যা কৰা হৈছে বুলি অভিযোগ উত্থাপন কৰে বাংলাদেশৰ গৃহমন্ত্ৰী আছাদুজ্জামান খান কামালে। তেওঁ এই সন্দৰ্ভত বুধবাৰে বাংলাদেশৰ গৃহমন্ত্ৰী গৰাকীয়ে সংবাদ মাধ্যমক সম্বোধন কৰি কয়, সাংসদজনক কোনে হত্যা কৰিছে তাৰ তদন্ত ইতিমধ্যে ভাৰত আৰু বাংলাদেশ আৰক্ষীয়ে আৰম্ভ কৰিছে। আৰক্ষীয়ে আটক কৰা লোক তিনিজন এতিয়া বাংলাদেশ আৰক্ষীৰ ওচৰত আছে আৰু তেওঁলোকক সোধা পোছা কৰি থকা হৈছে বুলি মন্ত্ৰীগৰাকীয়ে উল্লেখ কৰে।
তেওঁ লগতে কয়, এই সমগ্ৰ ঘটনাটোক লৈ ভাৰত-বাংলাদেশৰ সম্পৰ্ক বেয়া হোৱাৰ কোনো কাৰণ নাই। কিয়নো এই সমগ্ৰ ঘটনাটোত ভাৰতে বাংলাদেশক যথেষ্ট সহযোগ কৰিছে।
পশ্চিমবংগৰ বিধানগৰৰ নিউটাউনৰ যিটো ফ্লেটত সাংসদ আনোৱাৰুল আজিমক হত্যা কৰা হৈছে বুলি ধাৰণা কৰা হৈছে উক্ত স্থানত কোনো মৃতদেহ পোৱা নাই আৰক্ষীয়ে। এইদৰেই জনাইছে বাংলাদেশৰ বিদেশমন্ত্ৰী হাছান মাহমুদ। হত্যাকাণ্ডটোকলৈ মন্ত্ৰীগৰাকীয়ে কয়, সাংসদ আনোৱাৰুল আজিমৰ হত্যাকাণ্ড দুখজনক, মৰ্মান্তিক আৰু অনাকাংক্ষিত।আনহাতে পিতৃ হত্যাৰ উচিত তদন্ত দাবী কৰিছে সাংসদ গৰাকীৰ কন্যা মুমতাৰিণ ফেৰদৌছ ডৰিনে। সাংসদ গৰাকীয়ে তেওঁৰ পিতৃৰ হত্যাকাৰীৰ ফাঁচিৰ দাবী কৰে। আনোৱাৰুল আজিম বাংলাদেশৰ ঝিনাইদহ-৪ সংসদীয় সমষ্টিৰ সাংসদ আছিল। তেওঁ ২০১৪, ২০১৮ আৰু ২০২৪ চনত আৱামীলিগ দলৰ পৰা সাংসদ হিচাপে নিৰ্বাচিত হৈছে।
Continue Reading
