ডিজিটেল ডেস্ক: পুনৰ দামবৃদ্ধিৰ বোজা সহিবলৈ সাজু হওক আপুনি৷ জিএছটি পৰিষদৰ বৈঠকৰ পাছত ১৮ জুলাইৰ পৰা বৃদ্ধি হ’ব কেইবাবিধো সামগ্ৰীৰ দাম৷ সোমবাৰৰ পৰা চাউলৰ মূল্য বৃদ্ধি হ’ব৷ আনকি, চিকিৎসালয়ৰ কোঠাবোৰো হৈ পৰিব ব্যয়বহুল৷
জিএছটি বৃদ্ধি পোৱাৰ ফলত ১৮ জুলাইৰ পৰা দাম বৃদ্ধি পাব দৈ, লাচী, চিকিৎসালয় আৰু হোটেলৰ কোঠাৰ৷ আনকি অত্যাৱশ্যকীয় সামগ্ৰীৰ মাজত সোমবাৰৰ পৰা চাউলো ব্যয়বহুল হৈ পৰিব।
জিএছটি বোৰ্ডৰ ৪৭সংখ্যক বৈঠকত একাধিক অত্যাৱশ্যকীয় সামগ্ৰীৰ ওপৰত জিএছটিৰ হাৰ বৃদ্ধি কৰাৰ সিদ্ধান্ত লোৱা হৈছিল। ফলস্বৰূপে, সোমবাৰৰ পৰা ঘৰুৱা সামগ্ৰী ক্ৰয় কৰিবলৈ অধিক বোজা সহিবলৈ সাজু হ’ব লাগিব জনতা।
কি কি খাদ্যসামগ্ৰীৰ কিমান পৰিমাণৰ জিএছটি বৃদ্ধি পাব?
পেকেট কৰা দৈ, লাচি, বাটাৰমিল্ক ৫ শতাংশকৈ বৃদ্ধি পাব৷ বেংক চেক বা চেকবুক জাৰি কৰিছে ১৮ শতাংশকৈ৷ একেদৰে, ১৮ শতাংশকৈ বৃদ্ধি পাব এলইডি লাইট, লেম্প আৰু ফিক্সাৰৰ৷ চিয়াহী মুদ্ৰণত দাম বাঢ়িব ১৮ শতাংশকৈ৷ ব্লেড, চুৰি, পেঞ্চিল কাটাৰ, চামুচ, ফৰ্ক, স্কিমাৰৰ দাম বাঢ়িব ১৮ শতাংশকৈ৷ বৈদ্যুতিক পাম্প, চাবমাৰ্চিবল পাম্প, গভীৰ টিউবেল টাৰ্বাইন, চাইকেল পাম্পৰো দাম বাঢ়িব ১৮ শতাংশকৈ৷
একেদৰে, ১৮ শতাংশকৈয়ে দাম বৃদ্ধি পাব শস্য উঠোৱা আৰু গ্ৰাইণ্ডিং মেচিনত৷ গাখীৰ আৰু দুগ্ধজাত সামগ্ৰীৰো দাম বাঢ়িব ১৮ শতাংশকৈ৷ কণী পৰিস্কাৰ কৰা আৰু চৰ্টিং যন্ত্ৰৰো ১৮ শতাংশ, অংকন সঁজুলি ১৮ শতাংশ, সৌৰ পানী হিটাৰ ১২ শতাংশ, ফিনিছ চামৰা ১২ শতাংশ, মানচিত্ৰ, মানচিত্ৰ কিতাপ, দেৱালৰ মানচিত্ৰ, ভৌগোলিক সঁজুলি, মুদ্ৰিত গ্লোবৰ ১২ শতাংশকৈ ব্যয় বৃদ্ধি পাব৷
আনহাতে, পিছ পৰি নৰ’ব হোটেল, হাস্পতালৰ কোঠাও৷ প্ৰতিদিনে ১,০০০ টকা মূল্যৰ হোটেলৰ কোঠাৰ নিৰিখ বাঢ়িব ১২ শতাংশকৈ৷ একেদৰে, আইচিইউ অবিহনে প্ৰতিদিনে ৫,০০০ টকা মূল্যৰ এখন চিকিৎসালয়ৰ কোঠাৰ ভাৰা বাঢ়িব ৫ শতাংশকৈ৷
Continue Reading
