ডিজিটেল ডেস্কঃ গণতন্ত্ৰত ৰাইজেই ৰজা৷প্ৰতিজন সৃষ্টিশীল ব্যক্তিৰ কৰ্মক সাৰ্থক কৰে ৰাইজে৷কিন্তু কোনো এজন সৃজনশীল ব্যক্তিয়ে নিজৰ অহংকাৰত মত্ত হৈ যেতিয়া কুৰুচিপূৰ্ণভাৱে মন্তব্য কৰে তাৰ ফল ভুগিবলগীয়া হয়৷দেশৰ শেহতীয়া সাংস্কৃতিক পৰিবেশে ইতিমধ্যে প্ৰায়সমূহ কথাই পৰিস্ফুট কৰি তুলিছে৷
বলীউডৰ কুইনখ্যাত অভিনয়কৰ্মী কংগনা ৰাণাৱটে সদ্যতে মুক্তি পোৱা 'তেজছ' নামৰ চলচ্চিত্ৰখনত বাৰুকৈয়ে মুখঠেকেছা খাইছে৷জনতা জনাৰ্দনক বহু সময়ত কটুক্তি আৰু উপহাস কৰা ডেয়াৰডেভিল কংগনাই একেসমূহ ৰাইজক কৰযোৰে 'তেজছ' চাবলৈ আহিবলৈ আহ্বান জনাইছে৷স্পষ্টবাদী বুলি সকলোৰে লগত কাজিয়াত লিপ্ত হোৱা কংগনা বলীউডত এতিয়া একেবাৰেই অকলশৰীয়া৷বহু চলচ্চিত্ৰ সমালোচকৰ মতে কংগনাৰ অভিনয় কেৰিয়াৰৰ শীঘ্ৰেই অৱসান ঘটিছে৷
ঠিক অনুৰূপধৰণে অসমীয়া অভিনয়কৰ্মী ৰাগ ঐনিতমেও ২ নৱেম্বৰ তাৰিখে ৰাঘৱ শীৰ্ষক চলচ্চিত্ৰখনক বিৰোধিতা কৰা লোকসকলক মূৰ্খ আৰু সাংস্কৃতিকদ্ৰোহী আখ্যা দিয়ে৷ৰাগৰ মতে শিল্প আৰু ৰাজনীতিক একাকাৰ কৰাটো উচিত নহয়৷কিন্তু ৰাইজৰ বিৰুদ্ধে মন্তব্য দিয়াৰ ২৪ ঘণ্টাৰ পাছতে ক্ষমা খুজিবলৈ বাধ্য হ’ল ৰাগ ঐনিতম৷ইয়াৰ দ্বাৰা পুনৰ এবাৰ প্ৰমাণ হ’ল যে ৰাইজৰ উৰ্দ্ধত কোনো নহয়৷এজন ব্যক্তিৰ কাম আৰু তাৰ স্বীকৃতি নিৰ্ভৰ কৰে ৰাইজৰ ওপৰতে৷যাৰ প্ৰমাণ ইতিমধ্যে কংগনা আৰু ৰাগ ঐনিতমৰ ঘটনাই সুস্পষ্ট কৰিছে ৷
Continue Reading
