কিছুমান মানুহৰ ভৰিৰ পৰা প্ৰায়ে অদ্ভুত গোন্ধ ওলায়। কিন্তু এনে ক্ষেত্ৰত বেছিভাগৰে ভৰিৰ গোন্ধৰ কাৰণ হ’ব পাৰে সেইসকল লোকৰ ভৰিত জমা হৈ থকা বেক্টেৰিয়া। ইয়াৰ সমান্তৰালভাৱে এজন ব্যক্তিয়ে অত্যধিক ঘাম ওলালেও ভৰিৰ পৰা দুৰ্গন্ধ ওলোৱাৰ সমস্যা হ’ব পাৰে। এনে অৱস্থা

Listen to Article

2 min read

80%

ডিজিটেল ডেস্ক : কিছুমান মানুহৰ ভৰিৰ পৰা প্ৰায়ে অদ্ভুত গোন্ধ ওলায়। কিন্তু এনে ক্ষেত্ৰত বেছিভাগৰে ভৰিৰ গোন্ধৰ কাৰণ হ’ব পাৰে সেইসকল লোকৰ ভৰিত জমা হৈ থকা বেক্টেৰিয়া। ইয়াৰ সমান্তৰালভাৱে এজন ব্যক্তিয়ে অত্যধিক ঘাম ওলালেও ভৰিৰ পৰা দুৰ্গন্ধ ওলোৱাৰ সমস্যা হ’ব পাৰে। এনে অৱস্থাত আপুনি কিছুমান সহজ ব্যৱস্থা অৱলম্বন কৰিব পাৰে, যাৰ সহায়ত আপুনি এই সমস্যাৰ পৰা বহু পৰিমাণে মুক্তি পাব পাৰে।

ভৰিৰ পৰা অহা এই গোন্ধটোক ব্ৰম’ড’ছিছ বুলিও কোৱা হয়। ঘৰতে হওক বা ৰাজহুৱা স্থানত এই সমস্যাত ভুগি থকা লোকসকলে , জোতা বা চেণ্ডেল খুলি দিয়াৰ লগে লগে গোন্ধটো তেওঁলোকৰ চাৰিওফালে বিয়পি পৰে। ইয়াৰ সমান্তৰালভাৱে এনে মানুহৰ মোজাতো দুৰ্গন্ধ ওলায়। একে সময়তে ইয়াৰ বাবেই হয়তো তেওঁলোকে লাজ পাব লগীয়া অৱস্থাৰ সন্মুখীন হ’ব পাৰে। এনে অৱস্থাত সঠিক পদ্ধতিৰে কিছুমান মৌলিক চাফাই অভ্যাস গ্ৰহণ কৰি এই সমস্যা দূৰ কৰিব পাৰে।

দুৰ্গন্ধ আঁতৰাবলৈ ঘৰুৱা ঔষধ

১) নিমখীয়া পানীয়ে কাম কৰিব- বিশেষজ্ঞসকলে কয় যে যদি আপুনি নিমখীয়া পানীত ভৰি তিয়াই প্ৰতিদিনে অফিচৰ পৰা অহাৰ পাছত কিছু সময় বহি থাকে বা নিমখীয়া পানীৰে ভৰি ধুই থাকে, তেতিয়া ভৰিৰ পৰা অহা গোন্ধৰ পৰা বহু পৰিমাণে মুক্তি পাব পাৰে। ইয়াৰ বাবে আপুনি মাত্ৰ আধা লিটাৰ পানীত আধা কাপ নিমখ দি তাত ভৰি দুখন ডুবাই ৰাখি ১৫ৰ পৰা ২০ মিনিটৰ পাছত ভালদৰে মচি শুকুৱাই ল’ব লাগিব।

২) ভিনেগাৰৰ ব্যৱহাৰ - এই ঔষধ ব্যৱহাৰ কৰি চাবলৈ প্ৰথমে এটা পুৰণি বাল্টিত অলপ কুহুমীয়া পানীত একাপ ভিনেগাৰ দিব লাগে। তাৰ পাছত কিছু সময় ভৰি দুখন ডুবাই ৰাখিব। ১০ৰ পৰা ১৫ মিনিটৰ পিছত ভৰি দুখন মচিব লাগে। এনে কৰিলে ভৰিৰ পৰা অহা বেয়া গোন্ধটোও আঁতৰাব পাৰি।

৩) বেকিং ছ’ডা - এই প্ৰতিকাৰৰ বাবে মাত্ৰ পানীত অলপ বেকিং ছ’ডা মিহলাই দ্ৰৱ বনাব লাগিব আৰু তাত ভৰি দুখন কিছু সময় ডুবাব লাগিব। এনে কৰিলে ভৰিত গোন্ধ বিয়পোৱা বেক্টেৰিয়াৰ মৃত্যু হোৱাই নহয়, ভৰিত কোনো ধৰণৰ সংক্ৰমণ নহ’ব।

৪) এন্টিবেক্টেৰিয়েল চাবোনৰ ব্যৱহাৰ- ভৰিৰ গোন্ধ আঁতৰাবলৈ চিকিৎসকৰ নিৰ্দেশ অনুসৰি এন্টিবেক্টেৰিয়েল চাবোনৰ ব্যৱহাৰে আপোনাক বহু পৰিমাণে উপকৃত কৰিব পাৰে।

৫) জোতা আৰু মোজা পৰিষ্কাৰ কৰি ৰাখক- চামৰাৰ জোতা বা চেণ্ডেল পিন্ধিলে প্ৰতি দুদিনৰ মূৰে মূৰে বা নিৰ্দিষ্ট ব্যৱধানত সূৰ্যৰ পোহৰত ৰাখিব লাগে আৰু সম্ভৱ হ’লে কেইদিনমানৰ ব্যৱধানত ধুই পেলাব লাগে। ইয়াৰ লগতে এটা কথা মন কৰিবলগীয়া যে আগদিনা পিন্ধা মোজা পিছদিনা পিন্ধিব নালাগে। আনহাতে, প্ৰতিদিনে ভাল ডিটাৰজেণ্টেৰে মোজা পৰিষ্কাৰ কৰক, এই অভ্যাস গঢ়ি তোলাৰ পাছত ভৰিৰ পৰা গোন্ধ ওলোৱাৰ সম্ভাৱনা বহু পৰিমাণে কমি যাব।