কাৰাগাৰত ‘ভাল ব্যৱহাৰ’ কৰি বিলকিছ বানো কাণ্ডৰ পৰা ৰেহাই পাইছিল অপৰাধীকেইজনে! গুজৰাট চৰকাৰৰ ভাষ্য

ডিজিটেল ডেস্কঃ বিলকিছ বানো ধৰ্ষণকাণ্ডৰ পৰা কেনেকৈ মুক্ত হৈছিল অভিযুক্তকেইজন? দেশ কঁপাই যোৱা এই জঘন্য কাণ্ড কৰিও কিয় মুকলি আকাশৰ তললৈ আহিব পাৰিছিল ধৰ্ষণকাৰীকেইজন? এই সম্পৰ্কে গুজৰাট চৰকাৰে এক লক্ষ্যণীয় ভাষ্য আগবঢ়াইছে।

অভিযুক্তকেইজনে আইনী প্ৰক্ৰিয়াটোত ‘ভাল ব্যৱহাৰ’ কৰাৰ বাবে তেওঁলোকক মুক্তি দিয়া হৈছিল। উচ্চতম ন্যায়ালয়ক দিয়া এখনি এফিডেভিটত এইদৰে জনালে গুজৰাটৰ বিজেপি চৰকাৰে।

উচ্চতম ন্যায়ালয়ক গুজৰাট চৰকাৰে যে ধৰ্ষণকাণ্ডটোত অভিযুক্ত ১১ জন অপৰাধীয়ে ১৪ বছৰধৰি কাৰাগাৰত আছিল। কাৰাগাৰত থকাৰ সময়ছোৱাত তেওঁলোকে ‘ভাল ব্যৱহাৰ’ কৰিছিল। কাৰাগাৰ কৰ্তৃপক্ষই এই তথ্য চৰকাৰৰ হাতত দিছিল।

উল্লেখ্য যে ১১জন অভিযুক্তই গোধ্ৰা উপ-কাৰাগাৰৰ পৰা ১৫ আগষ্ট তাৰিখে মুকলি আকাশৰ তললৈ উভটি আহিছিল। তেওঁলোকক ইয়াৰ পূৰ্বে যাৱজ্জীৱন কাৰাদণ্ড বিহা হৈছিল। কিন্তু গুজৰাট চৰকাৰ আৰু কেন্দ্ৰীয় গৃহ মন্ত্ৰালয়ে তেওঁলোকক যাৱজ্জীৱন কাৰাদণ্ডৰ পৰা মুক্ত কৰে।

আনহাতে, বিলকিছ বানো আৰু তেওঁৰ তিনিবছৰীয়া কন্যাশিশুকে ধৰি ১৪গৰাকী লোকক ২০০২ চনৰ ৩ মাৰ্চত হত্যা কৰা হৈছিল।  ডাহুড জিলাৰ লিমখেড়া নামৰ ঠাইখনত সংঘটিত হোৱা বিলকিছ বানুৰ ধৰ্ষণকাণ্ড গুজৰাট সংঘৰ্ষৰ অন্যতম শিহৰণকাৰী অধ্যায়।