ডিজিটেল ডেস্কঃ শীতকাল মানে চৰ্দি আৰু কাহে বহুতকে আ্মনি কৰা বতৰ। বিশেষকৈ ঋতু পৰিৱৰ্তনৰ সময়ত জ্বৰ হওক বা ভাইৰাছৰ সংক্ৰমণ হওক, তাৰ লগে লগে ধাৰাবাহিকভাৱে কিছুমান মানুহৰ কাহ হৈ থাকে। কেতিয়াবা ডিঙিটো খিচখিচাই থাকে। এনেকুৱা হ'লে অস্বস্তিৰ সৃষ্টি হয়। এই কাহটোৱে দৈনন্দিন কাম-কাজত বাধা দিয়ে। শীতকালীন কাহৰ এই অস্বস্তিৰ পৰা পৰিত্ৰাণ পাবলৈ চিকিৎসকে চিৰাপ দিয়ে। সেই চিৰাপ খোৱাৰ পিছতো বহুতৰে আকৌ টোপনি বেছি হয়। এই সমস্যাৰ পৰা হাত সাৰিবলৈ ঘৰুৱা উপায়ৰ ওপৰতো নিৰ্ভৰ কৰি চাব পাৰে। ঘৰুৱা উপায়ে সোনকালে উপশম দিয়ে।
জানো আহক আমি কি কি কৰিব লাগে
১) দুচামুচ মৌ, আধা চামুচ নেমুৰ ৰস আৰু সামান্য পৰিমাণৰ আদাৰ ৰস এগিলাচ কুহুমীয়া পানীত মিহলাই দিনটোত কমেও দুইৰ পৰা তিনিবাৰকৈ খালে শুকান কাহৰ পৰা আৰাম পায়।
২) আদা খালে কাহৰ পৰা উপশম পাব। এটুকুৰা আদা নিমখ মিহলাই কিছু সময় খালে কাহ কমিব পাৰে।
৩) দিনটোত দুবাৰমান মৌ খাব পাৰে, ই কাহক নিয়ন্ত্ৰণ কৰিব।
৪) ঋতু পৰিৱৰ্তনৰ সময়ত চৰ্দি, কাহ আৰু ডিঙিৰ বিষ আৰু হুপিং কাহৰ পৰা উপশম পাবলৈ মুখত ইলাচি ৰাখিব পাৰে। লাভৱান হ’ব।
৫) কাহ হৈ ডিঙিৰ বিষ হ'লে অলপ হালধি গৰম গাখীৰৰ লগত মিহলাই খাব পাৰে। কাহ নিমিষতে নাইকিয়া হৈ যাব।
৬) কাহ হ'লে তুলসীৰ পাত চোবাই খাব লাগে। চাহৰ লগত তুলসী পাত মিহলাইও খাব পাৰে। তুলসী পাত খালে কাহ অতি সোনকালে আৰোগ্য হয়।
Continue Reading
