কাইলৈ লোকসভাত বিৰোধীৰ অনাস্থা প্ৰস্তাৱৰ ভোট, জানো আহক কাৰ পক্ষত আছে কিমান ভোট

 কিন্তু বিৰোধীৰ অনাস্থা প্ৰস্তাৱকলৈ ইমান দিনে চৰকাৰে কোনো প্ৰতিক্ৰিয়া প্ৰকাশ কৰা নাছিল। কেন্দ্ৰীয় গৃহমন্ত্ৰী অমিত শ্বাহে ইকতিমধ্যে সংসদত মণিপুৰৰ বিষয়ত মন্তব্য কৰিছে। কিন্তু বিৰোধী দলবোৰে প্ৰধানমন্ত্ৰীৰ পৰা  সঁহাৰি দাবী কৰি আহিছে।  উল্লেখ্য কংগ্ৰেছৰ সাংসদ গৌৰৱ গগৈয়ে  দাখিল কৰা অনাস্থা প্ৰস্তাৱটো গ্ৰহণ  কৰিবলৈ   সদনত ৫০ জন সদস্যৰ সমৰ্থনৰ প্ৰয়োজন আছিল ।  লোকসভাত এই প্ৰস্তাৱ সন্দৰ্ভত বিতৰ্কৰ আৰম্ভণি কৰি গগৈয়ে  অভিযোগ  কৈছিল  "ভাৰতত এতিয়া দুখন  মণিপুৰৰ  সৃষ্টি হৈছে- এখন পাহাৰৰ মণিপুৰ আৰু আনখন সমতলৰ"। 

সাংসদ গগৈয়ে কৈছিল যে ভাৰতীয় ইণ্ডিয়াৰ দলসমূহে অনাস্থা প্ৰস্তাৱ আনিবলৈ বাধ্য হৈছে ,কিয়নো এয়া কেতিয়াও সংখ্যাৰ বিষয় নহয় , মণিপুৰৰ বাবে ন্যায়ৰ বিষয় ।

 তেওঁ কৈছিল " মণিপুৰে ন্যায় দাবী কৰিছে। মাৰ্টিন লুথাৰ কিং জুনিয়ৰে কৈছিল যে যিকোনো ঠাইতে অন্যায় সকলো ঠাইতে ন্যায়ৰ বাবে ভাবুকি। যদিও মণিপুৰ জ্বলি আছে, সমগ্ৰ ভাৰতেই  জ্বলি আছে, যদি মণিপুৰ বিভক্ত হয়, দেশখনেই  বিভক্ত হৈ পৰিব।  আমাৰ দেশৰ নেতা হিচাপে প্ৰধানমন্ত্ৰী মোডীয়ে সদনলৈ আহি মণিপুৰৰ বিষয়ে ক'ব লাগে ’’।গগৈয়ে কয় ’’অনাস্থা প্ৰস্তাৱৰ জৰিয়তে আমি তেওঁৰ নীৰৱতাৰ শপত ভংগ কৰিব বিচাৰো," । কংগ্ৰেছৰ সাংসদসকলৰ লগতে  ইণ্ডিয়া মিত্ৰজোঁটৰ আন সাংসদসকলৰ সমৰ্থনত প্ৰস্তাৱটো সহজে গ্ৰহণ কৰা  হৈছিল। কংগ্ৰেছ সংসদীয় দলৰ মুৰব্বী ছোনিয়া গান্ধী, নেচনেল কনফাৰেন্সৰ সভাপতি ফাৰুক আব্দুল্লা, ডিএমকেৰ টি আৰ বালু আৰু এনচিপিৰ নেত্ৰী  সুপ্ৰিয়া চুলেকে ধৰি বিৰোধী মিত্ৰজোঁট ইণ্ডিয়াৰ সাংসদসকলে লোকসভাৰ অধ্যক্ষই এই প্ৰস্তাৱ উপস্থাপন কৰাৰ সময়ত  থিয় দি প্ৰস্তাৱটো সমৰ্থন কৰিছিল। 

৫৪৩ জনীয়া লোকসভাত বৰ্তমান ৫৩৯ গৰাকী সাংসদ আছে। সংসদৰ চাৰি খন আসন এতিয়াও খালী হৈ আছে। শাসনাধিষ্ঠিত এন ডি এৰ শক্তি ৩৩১। বিৰোধী ইণ্ডিয়া মিত্ৰজোঁটৰ সদনত ১৪৪  গৰাকী সদস্য আছে। বিৰোধীৰ সংখ্যা কম, সেয়ে অনাস্থা প্ৰস্তাৱটো গৃহীত হোৱাৰ আশা নাই।  বিৰোধীয়ে  মণিপুৰৰ প্ৰসংগত  প্ৰধানমন্ত্ৰী মোদীৰ পৰা বিবৃতি লাভ কৰাৰ বাবেই এনেদৰে অনাস্থা প্ৰস্তাৱ দিছে বুলি কৈ আহিছে। কাৰ পক্ষত কিমান শক্তি আছে ? জানো আহক-এনডিএঃ  বিজেপি ৩০১ এজেএছপি ৬ এডি(এছ) ২।অন্যন্য সহযোগী দলঃ এআইএডিএমকে ১,এনপিপি ১, এনডিপিপি ১, এনপিএফ ১,এছকেএম ১, এজেএছইউপি ১। একেদৰে ইণ্ডিয়াৰ পক্ষত আছে কংগ্ৰেছ ৫১,   ডিএমকে ২৪  এআইটিচি ২৩,অন্যন্য সহযোগী দলঃ জেডিইউ ১৬, চিপিএম ৩,জেকেএনচি ৩, এছপি ৩,আইইউএমএল ৩, চিপিআই ২,জেএমএম ১, আপ ১,ভিচিকে ১, কেচি(এম) ১, আৰএছপি ১।অন্যান্য দলসমূহৰ সাংসদৰ সংখ্যা হৈছে ৱাইএছআৰচিপি ২২ ,বিজেডি ১২ বিএছপি ৯।অন্যন্য সহযোগী দলঃটিআৰএছ ৯ , টিডিপি ৩. এআইইইআইএম ২,এছএডি ২,আৰএলপি ১,এআইএউডিএফ ১,জেডিএছ ১, এছএডি (এছএছএম) ১,নিৰ্দলীয় ৩।সংসদৰ মুঠ সদস্য ৫৩৯ (৪ খন আসন খালী হৈ আছে)।