ডিজিটেল ডেস্কঃ লোকসভা নিৰ্বাচন ২০২৪ৰ কাইলৈ অৰ্থাৎ ৪ জুনত কৰা হ’ব ভোট গণনা। পুনৰ এখন নতুন চৰকাৰৰ বাবে কাইলৈ জনা যাব জনতাৰ ৰায়। নিৰ্বাচন আয়োগৰ সূত্ৰই প্ৰকাশ কৰা অনুসৰি কাইলৈ ৫৪৩টা লোকসভা সমষ্টিৰ ভোটগণনা পুৱা ৮ বজাৰ পৰা আৰম্ভ হ’ব। কেন্দ্ৰত পৰৱৰ্তী চৰকাৰ নিৰ্ধাৰণ কৰিবলগীয়া লোকসভা নিৰ্বাচন ২০২৪ৰ ফলাফলৰ বাবে সমগ্ৰ ভাৰতবৰ্ষৰ নাগৰিকে আগ্ৰহেৰে অপেক্ষা কৰি আছে।
৪ জুন, মঙলবাৰে লোকসভা নিৰ্বাচন ২০২৪ৰ ভোট গণনাৰ লগতে একেলগে অনুষ্ঠিত হোৱা ওড়িশা আৰু অন্ধ্ৰ প্ৰদেশ বিধানসভা নিৰ্বাচনৰ ভোট গণনাও অনুষ্ঠিত হ’ব। ইতিমধ্যে ২ জুনত ছিকিম আৰু অৰুণাচল প্ৰদেশৰ বিধানসভা নিৰ্বাচনৰ ভোট গণনা কৰা হৈছে।নিৰ্বাচন আয়োগৰ তথ্য অনুসৰি মঙলবাৰে পুৱা ৮ বজাৰ পৰা আৰম্ভ হ’ব ৰাজ্যিক নিৰ্বাচনৰ ভোটগণনা আৰু গণনা সম্পূৰ্ণ নোহোৱালৈকে সেয়া চলি থাকিব।
প্ৰতিটো সমষ্টিৰ লোকসভা নিৰ্বাচন ২০২৪ ৰ ফলাফল জানিবলৈ যিকোনো ব্যক্তিয়ে নিৰ্বাচন আয়োগৰ অফিচিয়েল ৱেবছাইট – results.eci.gov.in ত ছাৰ্চ কৰিব পাৰে। ৱেবছাইটত কোনো এগৰাকী ব্যক্তিয়ে নিজৰ ৰাজ্যখন নিৰ্বাচন কৰি প্ৰয়োজনীয় সমষ্টিৰ ভোটগণনাৰ তথ্য লাভ কৰিব পাৰিব। কোন প্ৰাৰ্থী আগবাঢ়ি আছে আৰু কোন পিছ পৰি আছে ইত্যাদি কথাবোৰো ৱেবছাইটত জানিব পৰা যাব। কাইলৈ ভোটাৰ হেল্পলাইন এপতো ফলাফল উপলব্ধ হ'ব । এই এপটো প্লে ষ্ট’ৰৰ পৰা ডাউনলোড কৰিব পৰা যাব।
Continue Reading
