কালিৰ পৰা নতুন জীৱন আৰম্ভ হ’ল আলিয়াৰ, ‘হাৰ্ট অফ ষ্টোন’ৰ সহ-অভিনেত্ৰী গাল গাডোটে জনালে শুভেচ্ছা, লিখিলে বিশেষ কমেণ্ট

ডিজিটেল ডেস্কঃ একচন থ্ৰিলাৰ হাৰ্ট অফ ষ্টোনৰ জৰিয়তে  হলিউডত আত্মপ্ৰকাশ কৰাৰ যো-জা চলাইছে আলিয়া ভাটে৷  ছবিখনৰ  সহ-অভিনেতা গাল গাডোটে দেওবাৰে আলিয়া ভাটক  সন্তানটিৰ  জন্মৰ বাবে অভিনন্দন জনাইছে। গৰ্ভৱতী আলিয়াই মে মাহত চলচ্চিত্ৰখনৰ দৃশ্যগ্ৰহণৰ বাবে আমেৰিকালৈ উৰা মাৰিছিল।

গালে আলিয়াৰ পোষ্টৰ কমেন্ট বক্সত তেওঁৰ সন্তানৰ জন্মৰ কথা ঘোষণা কৰি এটা বিশেষ  মন্তব্যও দিছিল৷ পোষ্টটোত  আলিয়াই এইয়া তেওঁৰ  জীৱনৰ সৰ্বশ্ৰেষ্ঠ বাতৰি  বুলি আখ্যা দিছিল৷ লগতে যাদুকৰী আখ্যা দিছিল তেওঁৰ কন্যা সন্তানটিক৷

গাল গাডোটে দেওবাৰে নিশা পোষ্টটোত মন্তব্য কৰিছিল। তাই এটা হৃদয় ইম’জিৰ সৈতে অভিনন্দন জনাইছিল আলিয়াক৷

এপ্ৰিলত ৰণবীৰ কাপুৰৰ সৈতে বিবাহপাশত আৱদ্ধ হোৱা আলিয়াই  জুনত মাহত  গৰ্ভধাৰণৰ কথা ঘোষণা কৰিছিল।আলিয়াই  এটা সাক্ষাৎকাৰত বেবী বাম্পৰ সৈতে এখন একচন চিনেমাৰ চিত্ৰ গ্ৰহণৰ বিষয়ে মুকলি কৰিছিল। তেওঁ কৈছিল, "এইটো মোৰ প্ৰথম হলিউডৰ ডাঙৰ ইংৰাজী ছবিৰ অভিজ্ঞতা আছিল আৰু মোৰ হাতত যথেষ্ট কাম আছিল কাৰণ মই প্ৰথমবাৰৰ বাবে এখন একচন চিনেমাৰ দৃশ্যগ্ৰহণ কৰি আছিলো। কিন্তু মইও গৰ্ভৱতী গতিকে মোৰ বাবে মোকাবিলা কৰিবলৈ বহুতো স্তৰ আছিল। কিন্তু তেওঁলোকে ইয়াক ইমান নিৰৱচ্ছিন্ন আৰু ইমান সহজ আৰু মোৰ বাবে ইমান আৰামদায়ক কৰি তুলিছিল। এইটো এনেকুৱা এটা বস্তু যিটো মই কেতিয়াও পাহৰিব নোৱাৰিম কিয়নো মোক কিমান ধুনীয়াকৈ আৰু কিমান ভাল ব্যৱহাৰ কৰা হৈছিল।"