ডিজিটেল ডেস্কঃ ভেকুলীয়ে সাপ খায়, এয়া প্ৰাকৃতিকভাবে সত্য কথা। অসমতো সাপ খোৱা ভেকুলী পোৱা যায়। কিন্তু সাপ এডাল খোৱাৰ পিছত সেই সাপ যদি ভেকুলীৰ মলদ্বাৰেৰে ওলাই আহে সেয়াহে আচৰিত হ’বলগীয়া কথা। সঁচাকৈয়ে এডাল সাপ ভেকুলীৰ মলদ্বাৰেৰে ওলাই আহিছে!
তেনে এখন ছবিয়ে সামাজিক মাধ্যমত আলোড়নৰ সৃষ্টি কৰিছে। ফটোখন ফেচবুকত 'চানচাইন কোষ্ট স্নেক কেচাৰ্ছ' নামৰ একাউণ্টৰ পৰা শ্বেয়াৰ কৰা হৈছে। ছবি খনে বহুতকে ভবাই তুলিছে, বহুত অনুমান কৰা হৈছে, এয়া কেনেকৈ সম্ভৱ ? কোনে কাক চিকাৰ কৰিবলৈ গৈছিল? ঘটনাটো ক’ৰ সেই বিষয়ে কোনো কথা উল্লেখ্য কৰা নাই আৰু প্ৰাগ নিউজ ডিজিটেলে ছবি খনৰ সত্যতা পৰীক্ষা কৰি চোৱা নাই।
চানচাইন কোষ্ট স্নেক কেচাৰে দাবী কৰিছে যে ছবিখনত দেখা সাপটো ইষ্টাৰ্ণ ব্ৰাউন সাপ। কিন্তু সাপটো কেনেকৈ ভেকুলীৰ মলদ্বাৰত আৱদ্ধ হৈ পৰিল সেয়াহে ৰহস্যৰ বিষয়। নে ভেকুলীটোৱে সাপডাল ভক্ষণ কৰিছিল? বিষয়টোকলৈ বহুতৰে কৌতূহল বাঢ়িয়েই আছে। সৰ্প বিশেষজ্ঞসকলে ধাৰণা কৰে যে সেউজীয়া বৰণৰ ভেকুলীটোৱে সাপডাল চিকাৰ কৰিবলৈ গৈছিল। সাপডাল ভেকুলীয়ে গিলি পেলাইছিল।
কিন্তু কেনেবাকৈ সাপডাল হজম কৰিব নোৱাৰিলে। ফলস্বৰূপে সাপডালে মলদ্বাৰৰ জৰিয়তে উলিয়াই দিবলৈ চেষ্টা কৰিলে।তেওঁলোকে লগতে দাবী কৰে যে সাপডাল গিলি দিয়াৰ পিছত ভেকুলীৰ পাচন তন্ত্ৰ লিক কৰি মলদ্বাৰাৰ দ্বাৰা ওলাই আহিব পাৰে। ছবিখন তোলা মহিলাগৰাকীয়ে দাবী কৰিছে যে তেওঁ মৃত অৱস্থাত সাপডাল ভেকুলীৰ মলদ্বাৰৰ পৰা উদ্ধাৰ কৰিছিল
। 
Continue Reading
