ডিজিটেল ডেস্কঃভ্ৰূণে কেৱল গৰ্ভাশয়তে স্থিতি নলয়, মগজুতো ল’ব পাৰে। শেহতীয়াকৈ তেনে এক ঘটনাৰেই প্ৰমাণ পাইছে এদল চিকিৎসকে। চীনৰ এদল চিকিৎসকে এটি এবছৰীয়া ল’ৰা সন্তানৰ মগজুত যমজ সন্তানৰ উপস্থিতি ধৰা পৰাৰ পিছতে আচৰিত হৈ পৰিছে।
নিউৰোলজী আলোচনীত প্ৰকাশিত প্ৰতিবেদনত কোৱা হৈছে যে শিশুটিয়ে মস্তিষ্কৰ সমস্যাত ভুগি আছিল। এই সময়ছোৱাত তেওঁৰ মূৰৰ আকাৰ বাঢ়ি গৈ আছিল। ছাংহাইৰ চিকিৎসকসকলে শিশুটোৰ চিকিৎসা কৰাৰ আগতে মগজুৰ স্কেন কৰিছিল।
তেতিয়াই চিকিৎসকে লক্ষ্য কৰিলে যে শিশুটোৰ মগজুত দুটা যমজ ভ্ৰূণ আছে! চিকিৎসা বিজ্ঞানৰ ভাষাত, এনে ঘটনাক মনোকোৰিঅনিক ডায়েনেটিক বুলি কোৱা হয়। যদি শিশুৰ শৰীৰত কোনো ভ্ৰূণ পোৱা যায়, ইয়াক পৰজীৱী যমজ বুলি কোৱা হয়। যদিও এনে ধৰণৰ ঘটনা বিৰল, ইয়াৰ পূৰ্বেও এনে ঘটনা ঘটিছে । ১৯৯৭ চনত ইজিপ্তত এজন ১৬ বছৰীয়া কিশোৰৰ পেটৰ ভিতৰত এটা ভ্ৰূণ আৱিষ্কাৰ কৰা হৈছিল, যিটো তেওঁৰ পেটত ১৬ বছৰ ধৰি আছিল।
যোৱা বছৰ নৱেম্বৰত ভাৰতৰ ঝাৰখণ্ডৰ ৰাঁচীৰ চিকিৎসকসকলে এগৰাকী ২১ দিনীয়া ছোৱালীৰ পেটৰ পৰা আঠটা ভ্ৰূণ আঁতৰ কৰিছিল। চিকিৎসকসকলে কৈছিল যে ভ্ৰূণবোৰৰ আকাৰ ৩ চেমিৰ পৰা ৫ চেমিলৈকে আছিল আৰু সেইবোৰ পেটৰ এটা থলীৰ ভিতৰত আছিল।
Continue Reading
