ডিজিটেল ডেস্কঃ যিটো সময়ত বিশ্বৰ প্ৰায় সকলো চহৰৰে উত্তাপ গোলকীয় উষ্ণতা বৃদ্ধিৰ বাবে ভয়াৱহভাবে বৃদ্ধি পাইছে তেনে সময়তে চহৰৰ উত্তাপ নিয়ন্ত্ৰণ কাম কৰিছে এইগৰাকী যুৱতীয়ে । শেহতীয়াকৈ বিশ্বৰ বহু দেশ, চহৰ আৰু গাঁৱে গোলকীয় উষ্ণতা বৃদ্ধিৰ কুফল ভুগিবলগীয়া হৈছে।
বাংলাদেশো গোলকীয় উষ্ণতা বৃদ্ধিৰ প্ৰভাৱ বাৰুকৈয়ে পৰিছে।কংক্ৰিটৰ চহৰ ঢাকাও ইয়াৰ ব্যতিক্ৰম নহয়। ঢাকাক অত্যাধিক উষ্ণতাৰ পৰা কেনেকৈ সুৰক্ষিত কৰিব পাৰি সেই বিষয়ত বাংলাদেশৰ চৰকাৰে চিন্তা-চৰ্চা কৰি গৈছে। শেহতীয়াকৈ বুছৰা আফ্ৰিনে ছাকা চহৰৰ উত্তাপ নিয়ন্ত্ৰণৰ দায়িত্ব লাভ কৰিছে। তেওঁক ঢাকাৰ 'চিফ হিট অফিচাৰ' হিচাবে নিযুক্তি দিয়া হৈছে। এই পদটো হৈছে ছাকাৰ শীৰ্ষ তাপ নিয়ন্ত্ৰকৰ পদ।
ইতিমধ্যে ঢাকাৰ উপৰি মিয়ামি, লছ এঞ্জেলছ, এথেন্স, গ্ৰীচ, অষ্ট্ৰেলিয়াৰ মেলবৰ্ণ আৰু আফ্ৰিকাৰ কিছুমান দেশত "চিফ হিট বিষয়া" নিযুক্তি দিয়া হৈছে। বাংলাদেশৰ ঢাকাত "চিফ হিট বিষয়া"ৰ এই পদত নিযুক্তি পোৱা বুছৰাই হৈছে প্ৰথম ব্যক্তি।
বুছৰাৰ পিতৃ আতিকুল ইছলাম ঢাকা উত্তৰ পৌৰ নিগমৰ মেয়ৰ। ঢাকাত তেওঁৰ কাপোৰৰ বিশাল ব্যৱসায়ো আছে।
ঢাকাতেই ডাঙৰ-দীঘল হৈছে বুছৰা। তেওঁ কানাডাত গ্লোবেল ডেভেলপমেণ্ট ষ্টাডিজ বিষয়ত অধ্যয়ন কৰিছিল। ঘৰলৈ উভতি অহাৰ পিছত তেওঁ বাংলাদেশৰ এটা ব্যক্তিগত কোম্পানীত কাম কৰিবলৈ লয়।
বিশ্ব অৰ্থনৈতিক মঞ্চৰ মতে জলবায়ু পৰিৱৰ্তনৰ ফলত ছাকাৰো তাপমাত্ৰা বৃদ্ধি পাইছে। ইয়াক নিয়ন্ত্ৰণ কৰিবলৈ সেয়ে 'চিফ হিট অফিচাৰ' নিযুক্ত কৰা হৈছিল। তেওঁলোকে সাধাৰণ ৰাইজক উষ্ণতা বৃদ্ধিৰ বিষয়ে সচেতন কৰে।
'চিফ হিট অফিচাৰ' ৰ কাম হ’ল সাধাৰণ লোকসকলক উত্তাপ বৃদ্ধিৰ বিষয়ে সতৰ্ক কৰাৰ উপৰি তাপমাত্ৰা নিয়ন্ত্ৰণত ৰখাৰ বাবে হ্ৰস্ব আৰু দীৰ্ঘম্যাদী প্ৰকল্পও গ্ৰহণ কৰা । তেনে পদক্ষেপৰ ভিতৰত আছে গছ ৰোপণ কৰা, ছাঁ থকা ঠাই বৃদ্ধি কৰা। অত্যধিক তাপৰ ফলত হোৱা ৰোগৰ চিকিৎসা প্ৰদান কৰা আদি। 'চিফ হিট অফিচাৰ'-এ এই সন্দৰ্ভত সকলো চৰকাৰী বিভাগৰ সৈতে সমন্বয় ৰক্ষা কৰি চলে।
চহৰ এখনৰ সকলো অঞ্চলতে তাপমাত্ৰা একে নহয়। য'ত কাৰখানা, কাৰ্যালয়, শ্বপিং মল আদি আছে সেইবোৰ ঠাইত শীততাপ নিয়ন্ত্ৰণ যন্ত্ৰ অধিক হোৱা বাবে তাপমাত্ৰাও অধিক হয়। এই অঞ্চলবোৰত সাধাৰণতে কম গছ-গছনিও কম থাকে। এইবোৰক উচ্চ তাপমাত্ৰা থকা অঞ্চল বুলি কোৱা হয়। চিফ হিট অফিচাৰজনে চহৰখনত সেই এলেকাবোৰৰ তাপমাত্ৰা কিদৰে নিয়ন্ত্ৰণত ৰাখিব পাৰি সেই বিষয়ে প্ৰকল্প প্ৰস্তুত কৰে
ঢাকা নৰ্থ মিউনিচিপাল কৰ্পোৰেশ্যনে (ডিএনচিচি) তাপমাত্ৰা নিয়ন্ত্ৰণৰ বাবে আমেৰিকান সংস্থা এটাৰ সৈতে একেলগে কাম কৰিব। তেওঁলোকে ইতিমধ্যে এড্ৰিয়েন আৰ্শ্বট-ৰকফেলাৰ ফাউণ্ডেচন ৰেচিলিয়েঞ্চ চেণ্টাৰৰ সৈতে এক চুক্তি স্বাক্ষৰ কৰিছে।
আমেৰিকান সংস্থাটোৱে বিভিন্ন দেশৰ প্ৰশাসনৰ সৈতে চুক্তিবদ্ধ হৈছে। তেওঁলোকেই বছৰাক ঢাকাৰ 'চিফ হিট অফিচাৰ' হিচাবে নিযুক্তি দিছে।
Continue Reading
