ডিজিটেল ডেস্কঃ উত্তৰ প্ৰদেশৰ লগতে সমগ্ৰ দেশতে আৰম্ভ হৈছে কানৱাৰ যাত্ৰা। কানৱাৰ যাত্ৰাৰ সময়তে উত্তৰ প্ৰদেশত সংঘটিত হৈছে এক অঘটন। বিদ্যুৎস্পৃষ্ট হৈ পাঁচজন ভক্তৰ মৃত্যু হোৱাৰ ঘটনাই শোকৰ ছাঁ পেলাইছে।
উত্তৰ প্ৰদেশৰ মেৰু এলেকাত যাত্ৰা কৰি থকা অৱস্থাতে একাংশ ভক্ত বিদ্যুৎস্পৃষ্ট হয়। ঘটনাস্থলীত এজন ভক্তৰ মৃত্যু হয়। পিছত আৰু চাৰিজন ভক্তৰ মৃত্যুৰ খবৰ পোৱা গৈছে বিদ্যুৎস্পৃষ্ট হৈ আন ৪২ জন ভক্ত গুৰুতৰভাৱে আহত হয়। আশাংকা কৰা অনুসৰি মৃত্যুৰ সংখ্যা আৰু বৃদ্ধি পাব পাৰে ।
জানিব পৰা মতে শনিবাৰে নিশা প্ৰায় ৮ বজাত তীৰ্থযাত্ৰীৰ এটা দলে গংগাৰ পানী লৈ হৰিদ্বাৰৰ পৰা উভতি আহি আছিল। কানৱাৰ যাত্ৰীসকলে নিজৰ গাওঁলৈ গৈ আছিল। আহি থাকোতে তেওঁলোকৰ গাড়ীখন বিপজ্জনকভাৱে ওলমি থকা বিদ্যুতৰ তাঁৰত লাগি ধৰে ।
ফলত বাহন খনত থকা লোকসকল বিদ্যুৎস্পৃষ্ট হয়। ঘটনাৰ বিষয়ে জানিব পাৰি স্থানীয় লোকে বিদ্যুৎ যোগান বন্ধ কৰে আৰু ভক্তসকলক উদ্ধাৰ কৰে। ঘটনাস্থলীতে মনীষ নামৰ এজন ভক্তৰ মৃত্যু হয়। চিকিৎসালয়ত আন চাৰিজনৰ মৃত্যু হয়। আন পাঁচজনৰ অৱস্থাও অতি গুৰুতৰ বুলি জানিব পৰা গৈছে। তেওঁলোকক স্থানীয় এখন চিকিৎসালয়ত চিকিৎসা কৰি থকা হৈছে।
এই ঘটনাৰ পিছত গাওঁবৈাসীয়ে পথ অৱৰোধ কৰি প্ৰতিবাদ সাৱস্ত্য কৰিছে। গাওঁবাসীয়ে দাবী কৰিছিল যে বিদ্যুৎ বিভাগৰ অৱহেলাৰ বাবেই এনে এটা ডাঙৰ দুৰ্ঘটনা সংঘটিত হ’বলৈ পালে।
Continue Reading
