ডিজিটেল ডেস্কঃ জম্মু-কাশ্মীৰত পাক সন্ত্ৰাসবাদীৰ সৈতে নিৰাপত্তাবাহিনীৰ সংঘৰ্ষ চলি আছে। আৰক্ষীয়ে জনোৱা অনুসৰি এক গোপন সূত্ৰৰ পম খেদি সুৰক্ষা বাহিনীয়ে বৃহস্পতিবাৰে সন্ধিয়া ৫.৪৫ বজাৰ পৰা কুলগাম জিলাৰ ধামহাল হানজী পোৰা অঞ্চলত তালাচী অভিযান আৰম্ভ কৰিছিল।
শুকুৰবাৰে জম্মু-কাশ্মীৰৰ কুলগাম জিলাত সেনা, চিআৰপিএফ আৰু আৰক্ষীৰ যুটীয়া অভিযানত পাঁচজন লস্কৰ-ই-তৈবা সন্ত্ৰাসবাদী নিহত হয়।পাহাৰ আৰু অৰণ্যৰে আৱৰি থকা অঞ্চলটোত অধিক সন্ত্ৰাসবাদী লুকাই থকাৰ সম্ভাৱনা আছে বুলি আৰক্ষীয়ে প্ৰকাশ কৰিছে। সমগ্ৰ অঞ্চলটো ঘেৰিলৈ নিৰাপত্তাবাহিনীয়ে অভিযান চলাই গৈছে। জম্মু-কাশ্মীৰ আৰক্ষীয়ে জনোৱা অনুসৰি চামো গাঁৱত সন্ত্ৰাসবাদী লুকাই থকাৰ সন্দেহ কৰা হৈছে।
উল্লেখ্য কুলগাম জিলা খন দীৰ্ঘদিন ধৰি সন্ত্ৰাসবাদীৰ বিচৰণভূমি হিচাবে পৰিচিত হৈ আহিছে। ২০২০ চনৰ অক্টোবৰ মাহত লস্কৰ-ই-তৈবাই হানজী পোৰাৰ ওচৰৰ ৱাই কে পোৰা অঞ্চলত বিজেপি যুৱ মৰ্চাৰ তিনিজন নেতাক হত্যা কৰিছিল।
Continue Reading
