ডিজিটেল ডেস্কঃ কাইলৈ অৰ্থাৎ ১৯ নৱেম্বৰত অনুষ্ঠিত হ’ব বিশ্বকাপ ক্ৰিকেট ২০২৩ৰ ফাইনেল মেচ। সমুখ সমৰত নামিব ভাৰত আৰু অষ্ট্ৰেলিয়া। প্ৰতিজন ভাৰতীয়ৰ মন এতিয়া উৎকণ্ঠিত..কি হ’ব কাইলৈ...!
ভাৰতে যাতে বিশ্বকাপ জয় কৰিব পাৰে তাৰবাবে উত্তৰ প্ৰদেশৰ কৌশম্বি জিলাৰ সকলো মছজিদত শুকুৰবাৰৰ জুমা নামাজৰ অন্তত আল্লাহৰ ওচৰত দোৱা মগা হয়। নামাজৰ পাছত মছজিদৰ বাহিৰত স্বাক্ষৰ অভিযানো চলোৱা হয়।
জিলা সদৰ মঞ্জনপুৰৰ জামা মছজিদকে ধৰি জিলাখনৰ আটাইকেইটা মছজিদত ভাৰতীয় দলৰ বিজয়ৰ বাবে প্ৰাৰ্থনা কৰা হয়। জুমাৰৰ নামাজত মছজিদৰ ইমামকে ধৰি সকলো উপাসকে ভাৰতীয় ক্ৰিকেট দলৰ বিজয়ৰ বাবে প্ৰাৰ্থনা কৰে।
মঞ্জনপুৰৰ জামা মছজিদৰ পৰা ওলাই আহি নমাজীয়ে ‘হিন্দুস্তান জিন্দাবাদ’ৰ শ্ল’গান দিয়ে, নমাজীয়ে মছজিদৰ বাহিৰতো ইজনে সিজনক জাতীয় গৌৰৱ ত্ৰিৰংগ বিতৰণ কৰে আৰু লগতে ভাৰতীয় ক্ৰিকেট দলৰ জয়ৰ বাবে ‘জিন্দাবাদ’ৰ শ্ল’গান দিয়ে।
এই সময়ছোৱাত জামা মছজিদৰ বাহিৰত এ এছ পি আৰু আৰক্ষী বাহিনীৰ লগতে ক্ৰীড়া কাৰ্যসূচীৰ আয়োজক ড° অৰুণ কেছাৰৱানী, ইৰফান আনছাৰী, ফাৰুক, শ্বাহ আলমকে ধৰি বহু লোক উপস্থিত থাকে।
Continue Reading
