ডিজিটেল ডেস্কঃ জম্মু-কাশ্মীৰত নিৰাপত্তা বাহিনীয়ে সন্ত্ৰাসবাদীৰ ভয়ানক ষড়যন্ত্ৰ ব্যৰ্থ কৰিবলৈ সক্ষম হৈছে। উৰিৰ পৰা অস্ত্ৰ-শস্ত্ৰ আৰু গোলাবাৰুদ পৰিবহনৰ সৈতে জড়িত লস্কৰ-ই-তৈবাৰ এটা চক্ৰ উৎখাত কৰিবলৈ সক্ষম হৈছে সেনাই। সেনাই আঠজন পাকিস্তানী সন্ত্ৰাসবাদীক ধৰিবলৈ সক্ষম হোৱাৰ লগতে বৃহৎ পৰিমাণৰ অস্ত্ৰ-শস্ত্ৰ আৰু গোলাবাৰুদ উদ্ধাৰ কৰিছে।
বাৰামুলাৰ আৰক্ষী অধীক্ষক আমোদ নাগপুৰীয়ে কয় যে উৰিৰ চুৰুন্দা অঞ্চলত টহল দিয়াৰ সময়ত বাৰামুলা আৰক্ষী আৰু সেনাৰ এটা যুটীয়া দলে অঞ্চলটোত এজন সন্দেহযুক্ত ব্যক্তিক ঘূৰি ফুৰা দেখিছিল। ব্যক্তিজনে টহলদাৰী দলটোক দেখি পলাই যাবলৈ চেষ্টা কৰিছিল কিন্তু নিৰাপত্তা বাহিনীয়ে কৌশলেৰে তেওঁক আটক কৰিবলৈ সক্ষম হয়।
সন্দেহজনক ব্যক্তিজনৰ তালাচীৰ সময়ত তেওঁৰ পৰা দুটা গ্ৰেনেড উদ্ধাৰ কৰা হয় । লোক জনক চুৰুন্দা উৰিৰ চৌকত আলী আৱান বুলি চিনাক্ত কৰা হৈছে।
অধিক সোধা-পোছাৰ সময়ত চৌকতে তেওঁৰ সহযোগীসকলৰ নাম প্ৰকাশ কৰে। সেনাই অনুসন্ধান কৰি লগে লগে আন লোকসকলকো আটক কৰে। তেওঁলোকৰ পৰা ২ টা গ্ৰেনেড, ১ টা চীনা পিষ্টল, ১টা মেগজিন আৰু ৪ ৰাউণ্ড গুলী উদ্ধাৰ কৰা হয়।
একেদৰে, আন এটা অভিযানত উৰিৰ পাৱাৰিয়ান থাজাল এলেকাত বাৰামুলা আৰক্ষী আৰু সেনাৰ যুটীয়া বাহিনীয়ে এখন বাহনত ৪ টা হেণ্ড গ্ৰেনেড, ২টা পিষ্টল, ২ টা মেগজিন, ১০ ৰাউণ্ড গুলী আৰু ৫০ হাজাৰ টকা উদ্ধাৰ কৰে।
বিএছএফৰ চোৰাংচোৱা বিভাগৰ নিৰ্দিষ্ট তথ্যৰ ওপৰত আধাৰিত আন এক গুৰুত্বপূৰ্ণ অভিযানত কুপৱাৰা উত্তৰ কাশ্মীৰৰ মাচিল খণ্ডৰ পৰা বৃহৎ পৰিমাণৰ অস্ত্ৰ-শস্ত্ৰ আৰু গোলাবাৰুদ উদ্ধাৰ কৰা হৈছে।
Continue Reading
