ডিজিটেল ডেস্ক: কাটাৰত আজিৰে পৰা আৰম্ভ হ’ব বিশ্বকাপ ফুটবলৰ মহাৰণ৷ দুভৰিৰ ছন্দৰে উথলি উঠিব আৰৱ বিশ্ব৷ বিশ্বৰ ৮৩২গৰাকী পদশিল্পৰ কলাকাৰৰ যাদুৱে মোহাৱিষ্ট কৰিব বিশ্ববাসীক৷
ভাৰতীয় সময় অনুসৰি নিশা ৭-৩০ বজাৰ পৰা চলিব বিশ্বকাপৰ উদ্বোধনী অনুষ্ঠান৷ পিছে, ভাৰতত কিদৰে উপভোগ কৰিব পৰা যাব বিশ্বকাপ ফুটবল?
ৰং-নৃত্য-সংগীতৰ মায়াজালেৰে আৰম্ভ হ’বলগীয়া উদ্বোধনী অনুষ্ঠানলৈ মাজত মাথোঁ কেইটামান ঘণ্টা বাকী থকা অৱস্থাত উশাহ ঘন হৈছে অনুৰাগীৰ৷ বহুজনে জানিব বিচাৰি আছে কোনটো টিভি চেনেলত চাব পাৰিব খেল?
এইবাৰ বিশ্বকাপ মেচ প্ৰচাৰিত হ’ব এটা নতুন চেনেলত৷ ৰিলায়েন্স জিঅ’ মালিকানাধীন ‘স্প’ৰ্টছ- ১৮’ চেনেলত সম্প্ৰচাৰিত হ’ব বিশ্বকাপ ফুটবলৰ মহাৰণ৷ এই চেনেলটো পাবলৈ কেবল অপাৰেটৰৰ লগত যোগাযোগ কৰিব লাগিব দৰ্শকে৷ তদুপৰি প্ৰথমবাৰৰ বাবে বিশ্বকাপ চাব পৰা যাব মোবাইলত৷
অনুৰাগীসকলে প্লে’ ষ্ট’ৰৰ পৰা জিঅ’ চিনেমা এপটো ডাউনলোড কৰিলেই মোবাইলতে যিকোনো স্থানত থাকি উপভোগ কৰিব পাৰিব মেচ৷ যিকোনো নেটৱ’ৰ্কত উপলব্ধ হ’ব এই সেৱা৷
Continue Reading
