--°C
Loading...
Listen to Article
2 min read
80%
ডিজিটেল ডেস্কঃকে এল অ'ৰ সাধাৰণ সম্পাদক কৈলাশ কোচৰ সপত্নীক আত্মসমৰ্পণকলৈ এতিয়া কোচ-ৰাজবংশী সম্প্ৰদায়ৰ লোকসকলৰ মাজত প্ৰতিক্ৰিয়াৰ সৃষ্টি হৈছে। উল্লেখ্য নিষিদ্ধ ঘোষিত সংগঠন কে এল অ'ৰ সাধাৰণ সম্পাদক কৈলাশ কোচে বৃহস্পতিবাৰে কলকাতাৰ ভৱানী ভৱনত পশ্চিম বংগ আৰক্ষীৰ ওচৰত আত্মসমৰ্পণ কৰা বিষয়টোক কে এল অ'ৰ সেনাধ্যক্ষ জীৱন সিংহই কলকাতা আৰক্ষীৰ নাটক আখ্যা দিছে ৷ 

এই সন্দৰ্ভত সংগঠনটোৰ তৰফৰ পৰা সংবাদ মাধ্যমলৈ প্ৰেৰণ কৰা এক অডিঅ বাৰ্তাত কে এল অ ' ৰ সেনাধ্যক্ষ জীৱন সিংহই উল্লেখ কৰে যে - আমি কে এল অৰ সাধাৰণ সম্পাদক কৈলাশ কোচক টিভিৰ পৰ্দাত দেখা পাইছো  আৰু দেখা পাইছো কৈলাশ কোচক লৈ গৈ কলকাতাৰ আৰক্ষীয়ে নাটক কৰিছে ৷ মই সেয়ে কোচ কমতাপুৰীবাসীক ক'ব বিচাৰিছো যে এই নাটক সম্পূৰ্ণ মিছা, ভুৱা , ৰাজনৈতিক উদ্দেশ্যপ্ৰণোদিত আৰু কে এল অ'ক হেয়প্ৰতিপন্ন কৰিবলৈ সৃষ্টি কৰা হৈছে ৷ 

 আমি পূৰ্বেই জনাইছিলো যে কৈলাশ কোচক বাংলাদেশত গ্ৰেপ্তাৰ কৰিছে আৰু বাংলাদেশৰ পৰা পশ্চিমবংগ আৰক্ষীৰ বিশেষ বাহিনীয়ে কলকাতালৈ আনে আৰু ইয়াতে গুপ্ত স্থাপন নিৰ্যাতন- অত্যাচাৰ চলায় ৷ কিন্তু সংগঠনৰ তৰফৰ পৰা বিবৃতি দিয়াৰ পিচত পশ্চিমবংগ আৰক্ষী কৈলাস কোচক বাহিৰলৈ উলিয়াবলৈ বাধ্য হৈছে ৷ কাৰণ কৈলাস কোচৰ গ্ৰেপ্তাৰ তথা নিৰ্যাতন সম্পূৰ্ণ মানৱতা বিৰোধী, আইন বিৰোধী ৷ আজি কৈলাশ কোচক গান পইণ্টত ৰাখি যি বক্তব্য দিয়াইছে সেইয়া কিন্তু সম্পূৰ্ণ ৰাজনৈতিক উদ্দেশ্যপ্ৰণোদিত, মনেসজা আৰু মিছা বুলিও কয়  ৷ 

সেই বাবে কোচ কমতাপুৰী জনগণক কে এল অ নেতাগৰাকীয়ে পশ্চিমবংগ আৰক্ষীৰ এনে মিছা নাটকত কাণ নিদিবলৈ আৰু বিচলিত নোহোৱাৰ লগতে বিশ্বাস নকৰিবলৈকো বাৰ্তাটোত আহ্বান জনায় ৷ উল্লেখ্য যে কে এল অ'ৰ সাধাৰণ সম্পাদক কৈলাশ কোচে বৃহস্পতিবাৰে কলকাতাত পশ্চিম বংগৰ আৰক্ষী সঞ্চালক প্ৰধানৰ ওচৰত পত্নী জুগলি কোচসহ আত্মসমৰ্পণ কৰিছিল ৷ 

আত্মসমৰ্পণ কৰাৰ সময়ত নেতাগৰাকীয়ে এটা এ কে ৪৭ ৰাইফল আৰু নথি - পত্ৰ জমা দিছিল৷ সংগঠনটোত সেনাধ্যক্ষ জীৱন সিংহৰ পিছতে আছিল কৈলাশ কোচৰ স্থান ৷ সেয়ে কৈলাশ কোচৰ আত্মসমৰ্পণ সংগঠনটোৰ বাবে মোক্ষম আঘাত হিচাপে পৰিগণিত হ'ব বুলি ধাৰণা কৰা হৈছে ৷ আজি জীৱন সিংহই দিয়া স্পষ্টীকৰণে সমগ্ৰ ঘটনাটোকেই অন্য দিশে পৰিচালিত কৰিব বুলি বহুতে ধাৰণা কৰিছে।
FOLLOW US F
POPULAR
FEATURE
TRENDY
গুৱাহাটীত অইল-আইটা ছুপাৰ ছিৰিজ ৰাষ্ট্ৰীয় টেনিছ প্ৰতিযোগিতাত দেশৰ ১৫ খন ৰাজ্যৰ প্ৰায় ১৮০ গৰাকী ল’ৰা-ছোৱালীৰ অংশগ্ৰহণ
গীতে-মাতে জীপাল হ'ল কুঠৰীস্থিত ড° ভূপেন হাজৰিকাৰ পৰিত্যক্ত বাসগৃহ
পিতৃৰ তিনিটাকৈ গুলীত ঢলি পৰিল উদীয়মান টেনিছ তাৰকা, কিন্তু কিয় সংঘটিত হ'ল এই ঘটনা ?
১৩ জুলাইত সংঘটিত হ’ব গ্ৰহণ যোগ! এই ৩টা ৰাশিৰ হ'ব ক্ষতি
ভাৰতৰ বজাৰত প্ৰৱেশ বহু প্রত্যাশিত এ আই+ স্মার্টফ'ন
আমেৰিকাৰ বায়ুসেনাৰ শীৰ্ষ পদত অসম সন্তান মনজিত বৰ্মন
প্ৰটিন দেহত কমিলে নানা ক্ষতি হয়! জানি লওক সৱিশেষ
আত্মনিৰ্ভৰশীলতাৰ নিদৰ্শন দাঙি ধৰিলে ডিগবৈৰ পাঁচ গৰাকী উদ্যমী মহিলাই
আমেৰিকাৰ ছিকাগ’ত তিনিদিনীয়া বিশেষ কাৰ্যসূচীৰে অনুষ্ঠিত হৈছে অসম অভিৱৰ্তন ২০২৫
এইবাৰ মহিলাই নেতৃত্ব দিব বিজেপিক, দক্ষিণৰ তিনিগৰাকী নেত্ৰীৰ নাম চৰ্চাত
বলীউডে সুশান্তৰ দৰে কাৰ্তিকক আঁতৰাবলৈ চেষ্টা কৰিছে! সংগীত পৰিচালক অমল মালিকৰ দাবী
আমেৰিকাত সোণ জিনিলে জামুগুৰিহাটৰ কন্দৰ্প বৰাই
৫০০০ কিল'মিটাৰ দূৰত্বৰ পৰা ছেটেলাইটৰ জৰিয়তে সম্পন্ন কৰিলে ৰ'বটিক ছাৰ্জাৰী
প্রধানমন্ত্রী মোদীক ট্ৰিনিডাড-টবেগোৰো সর্বোচ্চ সন্মান