ডিজিটেল ডেস্কঃ ছিৰ’-মালাবাৰ গীৰ্জাৰ ইডুকি ডাইচৰ অধীনত থকা এজন কেথলিক ফাডাৰে বিজেপিত যোগদান কৰাৰ কেইঘণ্টামানৰ পাছত সোমবাৰে দায়িত্বৰ পৰা তেওঁক অব্যাহতি দিয়া হয়।
সোমবাৰে ফ্ৰা কুৰিয়াকোছে মাটামে বিজেপিৰ প্ৰাথমিক সদস্যপদ দলটোৰ ইডুক্কি জিলাৰ সভাপতি কে এছ আজীৰ পৰা লাভ কৰে। কেইঘণ্টামানৰ ভিতৰতে ইডুক্কি ডাইচেছে তেওঁৰ বিৰুদ্ধে ব্যৱস্থা গ্ৰহণ কৰে।
গীৰ্জাই জনোৱা মতে, আদিমালিৰ ওচৰৰ মানকুভা ছেইণ্ট থমাছ গীৰ্জাত ফ্ৰান্সিছ মেটমক সাময়িকভাৱে কৰ্তব্যৰ পৰা অব্যাহতি দিয়া হৈছে।
ইডুকি ডাইচৰ এক বিবৃতিত কোৱা হৈছে যে মানকুভা গীৰ্জাৰ ফাদাৰ কুৰিয়াকোছে মাটামক ভাইকাৰ হিচাপে সাময়িকভাৱে কৰ্তব্যৰ পৰা অব্যাহতি দিয়া হৈছে।
গীৰ্জাৰ এগৰাকী মুখপাত্ৰই পিটিআইক জনোৱা মতে, অনুশাসনমূলক ব্যৱস্থা গ্ৰহণ কৰা হৈছে কাৰণ কেনন ল’ৰ অধীনত গীৰ্জাৰ এজন পুৰোহিতে কোনো ৰাজনৈতিক দলত যোগদান বা সক্ৰিয় অংশগ্ৰহণ কৰিব নোৱাৰে। গীৰ্জাৰ এক সূত্ৰই জনোৱা মতে, কেইমাহমানৰ পিছত অৱসৰ ল’ব ৭৪ বছৰীয়া পুৰোহিতগৰাকীয়ে।
মণিপুৰৰ হিংসাক লৈ কেথলিক গীৰ্জাই দলটোক আক্ৰমণ চলাই অহাৰ সময়তে বিজেপিত যোগদান কৰে পুৰোহিতগৰাকীয়ে।
ফেচবুক পোষ্টত কে এছ আজীয়ে ফাডাৰগৰাকীৰ ছবিসমূহ শ্বেয়াৰ কৰি কয় যে দেশৰ “বৰ্তমানৰ পৰিস্থিতি পৰ্যবেক্ষণ” কৰি ফ্ৰান্সিছ মত্তমে বিজেপিত যোগদান কৰিছে।
এটা ভিডিঅ’ যোগে ফাডাৰগৰাকীয়ে কয় যে তেওঁ বিজেপিত যোগদান নকৰাৰ কোনো কাৰণ বিচাৰি নাপালে।
"মই সমসাময়িক বিষয়বোৰ অনুসৰণ কৰো। বিজেপিত যোগদান নকৰাৰ কোনো কাৰণ বিচাৰি নাপাওঁ। বহু বিজেপি কৰ্মীৰ সৈতে মোৰ বন্ধুত্ব আছে। আজি মই সদস্যপদ লাভ কৰিলোঁ। বাতৰি কাকতৰ পৰা পঢ়িছো আৰু দেশৰ বিজেপিৰ বিষয়ে বুজাবুজি আছে।" ফাডাৰগৰাকীয়ে এনেদৰে কয়।
Continue Reading
