ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে ছেপ্টেম্বৰত জি-২০ সন্মিলন আয়োজন কৰিবলগীয়া প্ৰগতি ময়দানৰ নৱনিৰ্মিত সন্মিলন কেন্দ্ৰত কেন্দ্ৰীয় মন্ত্ৰী পৰিষদৰ এখন বৈঠকত সভাপতিত্ব কৰে।বৈঠকৰ অন্তত টুইটাৰত মোদীয়ে কয় " মন্ত্ৰী পৰিষদৰ সৈতে এক ফলপ্ৰসূ বৈঠক অনুষ্ঠিত হৈছে, য'ত আমি বিভিন্ন নীতি সম্পৰ্কীয় বিষয়ত মত বিনিময় কৰিছো" ।
মন্ত্ৰী পৰিষদৰ বৈঠকত বহু কেইটা মন্ত্ৰালয়ৰ বৰমূৰীয়াসকলে কামৰ অগ্ৰগতিৰ বিষয়ে মোদীক অৱগত কৰে। সেই বিষয়ত জনাৰ পিছত প্ৰধানমন্ত্ৰীয়ে তেওঁৰ মতামত ব্যক্ত কৰে। উল্লেখ্য কেবিনেটৰ ৰদবদলৰ বিষয়ে এক তীব্ৰ গুঞ্জন চলি থকাৰ মাজতে বৈঠক অনুষ্ঠিত হয়।
২০ জুলাইৰ পৰা আৰম্ভ হ'বলগীয়া সংসদৰ বৰ্ষাকালীন অধিৱেশনৰ পূৰ্বে অনুষ্ঠিত বৈঠক খনকলৈ এতিয়া ৰাজনৈতিক মহলত ব্যাপক চৰ্চা চলিছে। বহুতে কৈছে যে কামত সাফল্য প্ৰদৰ্শন কৰিব নোৱাৰা দপ্তৰৰ বহু কেইগৰাকী মন্ত্ৰী হয়তো এইবাৰ মন্ত্ৰীসভাৰ পৰা বাদ পৰিব পাৰে।
Continue Reading
