ডিজিটেল ডেস্কঃ কাইলৈ বলীউডৰ অভিনেত্ৰী অনন্যা পাণ্ডেৰ জন্মদিন । অভিনেত্ৰীগৰাকীৰ বয়স এতিয়া ২৬ বছৰ হ’বলৈ গৈ আছে। ২০১৯ চনত ‘ষ্টুডেন্ট অৱ দ্য ইয়েৰ ২’ ছবিৰে চলচ্চিত্ৰ জগতত খোজ দিয়া অভিনেত্ৰীগৰাকীয়ে ৫ বছৰত নিজৰ স্থান দখল কৰিবলৈ সক্ষম হৈছে। তেওঁ বহু ছবিত কাম কৰিছে আৰু খ্যাতিৰ লগতে তেওঁ বহু ধন-সম্পত্তিও অৰ্জন কৰিবলৈ সক্ষম হৈছে।
অনন্যা পাণ্ডেৰ নিজাকৈ বিলাসী ঘৰ আছে। ২০২৩ চনত ধনতেৰছ উপলক্ষে তেওঁৰ নতুন ঘৰটো ক্ৰয় কৰিছিল। তেওঁৰ বিলাসী বাহনৰ এক আচৰিত সংগ্ৰহও আছে। ১.৭০ কোটি টকাৰ BMW 7 Series গাড়ীৰ মালিক অনন্যা পাণ্ডে। ইয়াৰ উপৰিও তেওঁৰ গাড়ী সংগ্ৰহত আছে ১.৮৪ কোটি টকাৰ ৰেঞ্জ ৰভাৰ স্প’ৰ্ট, ৮৮ লাখ টকাৰ মাৰ্চিডিজ-বেঞ্জ ই-ক্লাছ, ৩৩ লাখ টকাৰ স্কোডা ক’ডিয়াক আৰু ৩০ লাখ টকাৰ হুণ্ডাই চান্টা ফে।
অনন্যা পাণ্ডেই ধন-সম্পত্তিৰ ক্ষেত্ৰতো কম নহয়। কোটি কোটি টকাৰ ধন-সম্পত্তিৰ গৰাকী তেওঁ। সংবাদ মাধ্যম অনুসৰি ২০১৯ চনত অনন্যা পাণ্ডেৰ সম্পত্তিৰ পৰিমাণ আছিল ৫৪ কোটি টকা। এই সম্পত্তি ২০২০ চনত ৫৮ কোটি, ২০২১ চনত ৬৬ কোটি আৰু ২০২২ চনত ৭০ কোটি টকালৈ বৃদ্ধি পাইছে। বৰ্তমান অনন্যাৰ সম্পত্তিৰ পৰিমাণ ৭৪ কোটি টকা বুলি উল্লেখনীয়।
অনন্যা পাণ্ডেৰ সন্দৰ্ভত প্ৰকাশিত বাতৰি অনুসৰি তেওঁ প্ৰতিমাহে ৬০ লাখ টকা উপাৰ্জন কৰে আৰু প্ৰতি বছৰে প্ৰায় ৭ কোটি টকা উপাৰ্জন কৰে। তেওঁৰ এখন ছবিৰ বাবে মুঠ ৩ কোটি টকা পাৰিশ্ৰমিক লয়। ইয়াৰ উপৰিও ব্ৰেণ্ড এণ্ড’ৰছমেণ্টৰ পৰা তাই বিপুল ধন উপাৰ্জন কৰে।
অভিনেত্ৰীগৰাকীয়ে নিজৰ ইনষ্টাগ্ৰামত Sponser কৰা পোষ্টৰ বাবে ৫০ লাখ টকা লয়। স্কেচাৰ্ছ ইণ্ডিয়া, স্বৰভস্কি, পুমা, লেকমে, ফাষ্ট্ৰেক পাৰফিউম, মেবেলাইন, জেবিএল আৰু গাৰ্নিয়াৰকে ধৰি বহু ব্ৰেণ্ডৰ ব্ৰেণ্ড এম্বেছাদৰ। অনন্যাই এই ব্ৰেণ্ড এণ্ডৰছমেণ্টৰ বাবে মাচুল হিচাপে লয় ৬০ লাখকৈ টকা।
পাঁচ বছৰীয়া চলচ্চিত্ৰ জীৱনত অনন্যা পাণ্ডে বহু ছবিত অভিনয় কৰিছে। এই তালিকাত আছে পতি পটনি ঔৰ ৱহ, ড্ৰিম গাৰ্ল ২, লেগাৰ, খালি পিলি, খো গেয় হম কহান আৰু চিটিআৰএল আদি ছবি। ইয়াৰ উপৰিও অভিনেত্ৰীগৰাকীয়ে ৱেব ছিৰিজ কল মি বে’ত অভিনয় কৰিছে। এতিয়া অক্ষয় কুমাৰৰ সৈতে ‘আনটল্ড ষ্ট’ৰী অৱ চি শংকৰন’ ছবিত তেওঁক দেখা যাব।
Continue Reading
