ডিজিটেল ডেস্ক: মুক্তিৰ পথত ৰণবীৰ কাপুৰ আটাইতকৈ প্ৰত্যাশিত ছবি ‘ৰামায়ণ’৷ অতি শীঘ্ৰে ছবি গৃহত দৰ্শকৰ বাবে মুকলি হ’ব ৰণবীৰ কাপুৰ অভিনীত ‘ৰামায়ন’৷ শেহতীয়া খবৰ অনুসৰি ছবিখনৰ চিত্ৰ গ্ৰহণ ইতিমধ্যে সম্পূৰ্ণ হৈছে।
এক সাক্ষাৎকাৰত ছবিখনত মাতা কশৈল্যাৰ চৰিত্ৰত অভিনয় কৰা অভিনেত্ৰী ইন্দিৰা কৃষ্ণনে ছবিখনৰ চৰিত্ৰ সমূহ কোনে কোনে ৰূপায়ন কৰিছে সেই সম্পৰ্কে অৱগত কৰিছে৷ তেওঁ কয় যে ছবিখনত দুজন সৰু পৰ্দাৰ অভিনেতাক গুৰুত্বপূৰ্ণ ভূমিকাত দেখিবলৈ পোৱা যাব।
ছবিখনত ৰণবীৰ কাপুৰক ভগৱান ৰাম, মাতৃ সীতাৰ চৰিত্ৰত সাই পল্লৱী, আৰু ছুপাৰষ্টাৰ যশক ৰাৱণৰ চৰিত্ৰত দেখা যাব। টিভি ধাৰাবাহিকৰ জনপ্ৰিয় অভিনেতা ৰবি ডুবেক দেখা যাব লক্ষ্মণৰ চৰিত্ৰত৷উল্লেখযোগ্য যে ৰামানন্দ সাগৰৰ ‘ৰামায়ণ’ত ৰামৰ চৰিত্ৰত অভিনয় কৰা অভিনেতা অৰুণ গোভিলক ছবিখনত দশৰথৰ চৰিত্ৰত দেখা পোৱা যাব।
নিতেশ তিৱাৰীৰ পৰিচালনাত এক নতুন ৰূপত দেখিবলৈ পোৱা যাব ৰামায়ন৷ ছবিখনৰ মুক্তিৰ বাবে অধীৰ আগ্ৰহেৰে ৰৈ আছে অনুৰাগীসকল৷
Continue Reading
