ডিজিটেল ডেস্কঃ দিল্লী-এনচিআৰ আকৌ এবাৰ যেন গেছ চেম্বাৰলৈ পৰিণত হৈছে। দিল্লীকে ধৰি সমগ্ৰ এনচিআৰত কোনো এলেকা বাকী নাই, য’ত AQI অৰ্থাৎ বায়ুৰ গুণাগুণ সূচাংকাই দুৰ্বল বা অতি দুৰ্বল স্তৰত উপনীত হোৱা নাই।
দিল্লীৰ এলেকাৰ কথা ক’বলৈ গ’লে বহু ঠাইত AQI ৪০০ৰ ওপৰত আছে। দিল্লীত দীপাৱলীৰ পূৰ্বে ৰাইজৰ অৱস্থা কাহিল হোৱাটো নিশ্চিত বুলি বিবেচিত হৈছে। প্ৰদূষণৰ বাবে দিল্লীৰ অৱস্থা দুৰ্বিষহ। কিমান দিন এই বিষাক্ত বতাহ উশাহত ল’ব লাগিব সেয়া কোনেও নাজানে।
সচৰাচৰৰ দৰে দিল্লীৰ ৰাজপথত প্ৰচণ্ড যান-বাহন। অফিচ আৰু গুৰুত্বপূৰ্ণ কামৰ বাবে ঘৰ এৰি মানুহ ওলাইছে। কিন্তু তেওঁলোকে বিশুদ্ধ বতাহ পোৱা নাই। দিল্লীত বিগত কেইবাবছৰৰ পৰা এনে পৰিস্থিতিৰ সৃষ্টি হৈ আহিছে। কিন্তু দিল্লীৰ পৰিস্থিতিৰ কোনো উন্নতি হোৱা নাছিল। অৱশ্যে দিল্লীৰ বায়ুৰ গুণাগুণ উন্নত কৰাৰ বাবে পুনৰ চৰকাৰী প্ৰচেষ্টা আৰম্ভ হৈছে। দিল্লীত পুনৰবাৰ যান-বাহনৰ ওপৰত নিষেধাজ্ঞা আৰোপ কৰাৰ পৰিকল্পনা প্ৰস্তুত কৰা হৈছে। দিল্লীৰ বায়ুৰ গুণাগুণে বিপদজনক স্তৰ অতিক্ৰম কৰাৰ বাবেই দিল্লীত পুনৰ আৰম্ভ হৈছে স্কুল বন্ধ।
কেৱল দিল্লীয়ে নহয় লক্ষ্ণৌ-পাটনাৰ বাসিন্দাও বিষাক্ত বতাহৰ বলি হৈছে। এই চহৰতো প্ৰদূষণৰ মাত্ৰা বৃদ্ধি পাই গৈ আছে। লক্ষ্ণৌৰ AQI ২১৫ আৰু পাটনাৰ AQI ২৪০।
Continue Reading
