ডিজিটেল ডেস্কঃ গ্লেন মেক্সৱেলৰ ২০১ ৰানৰ ইনিংছত আপ্লুত হৈছে বিৰাট কোহলি। বিশ্বকাপৰ মাজভাগত তেওঁ বিপক্ষ দলৰ বেটছমেনগৰাকীক প্ৰশংসা কৰে। ভাৰতীয় বেটছমেনগৰাকীয়ে ছ’চিয়েল মিডিয়াত মেক্সৱেলৰ এখন ছবি পোষ্ট কৰে। ভাৰতৰ প্ৰাক্তন অধিনায়কগৰাকীৰ মতে, এইধৰণে খেলিব কেৱল মেক্সৱেলেহে পাৰে।
বহুতে মেক্সৱেলৰ ইনিংছক এদিনীয়া ক্ৰিকেটৰ অন্যতম শ্ৰেষ্ঠ ইনিংছ বুলি গণ্য কৰে। বিৰাট আৰু মেক্সৱেলে একেলগে খেলিছিল ৰয়েল চেলেঞ্জাৰছ বেংগালুৰুৰ হৈ। বিৰাটে আই পি এলৰ সতীৰ্থৰ তেনেদৰে বেটিং কৰাৰ শলাগ হিচাপে এখন ছবি পোষ্ট কৰি লিখিছে, “কেৱল তুমিয়েই এইধৰণে খেলিব পাৰা। পাগল ইনিংছ।”
আফগানিস্তানক পৰাস্ত কৰি অষ্ট্ৰেলিয়াই ছেমি ফাইনেলত স্থান দখল কৰে। প্ৰথম দুখন মেচত পৰাস্ত হোৱাৰ পিছত হেঁচাত পৰি বিশ্বকাপ আৰম্ভ কৰা অষ্ট্ৰেলিয়া এতিয়া দেখা গৈছে শক্তিশালী দলৰ ভিতৰত অন্যতম। দক্ষিণ আফ্ৰিকাৰ বিৰুদ্ধে ছেমি ফাইনেল খেলিব লাগিব।
Continue Reading
