ডিজিটেল ডেস্কঃ আজিকালি কোনেও নাজানে কেতিয়া কাক বেমাৰে আগুৰি ধৰিব। আনকি দেখাত একেবাৰে সুস্থ-সবল যেন লগা মানুহ এজনেও কেতিয়াবা কোনো গুৰুতৰ ৰোগৰ সৈতে যুঁজি থাকে। শেহতীয়াকৈ মনোৰঞ্জন জগতৰ পৰা আহিছে এক দুখজনক খবৰ। মডেল তথা অভিনেত্ৰী ৰ’জলিন খানে ছ’চিয়েল মিডিয়াত এটা আৱেগিক পোষ্টৰ জৰিয়তে কয় যে তেওঁ কেন্সাৰৰ সৈতে যুঁজি আছে। 'সবিতা ভাবী' খ্যাত ৰ’জলিন খানে ২০১৫ চনত আমেৰিকাৰ সংস্থা পেটাৰ বাবে ফটোশ্বুট কৰাই বাতৰিৰ শিৰোনাম দখল কৰিছিল। ৰ’জলিনে জীৱ-জন্তু হত্যাৰ বিষয়ে মানুহক সজাগ কৰিবলৈ এটা ৰক্তাক্ত ফটোশ্বুট কৰিছিল।
এই মুহূৰ্তত ৰ’জলিন খানে এক কঠিন পৰ্যায়ৰ মাজেৰে পাৰ হৈ আছে যদিও ইয়াৰ পিছতো তেওঁ কাম বন্ধ কৰিব নিবিচাৰে। ৰ’জলিন খানে নিজৰ পোষ্টত লিখিছে, ‘কেন্সাৰ... কঠিন মানুহৰ জীৱনটো সহজ নহয়, ক’ৰবাত পঢ়িছিলোঁ...কিন্তু এতিয়া গম পোৱা গৈছে যে মোৰ দৰে মানুহৰ লগত এনেকুৱা হয়। ঈশ্বৰে তেওঁৰ শক্তিশালী সৈনিকসকলক আটাইতকৈ কঠিন যুঁজ যুঁজিবলৈ দিয়ে। এইটো মোৰ জীৱনৰ এটা অধ্যায় হ’ব পাৰে... মই বিশ্বাস কৰোঁ আৰু আশা কৰোঁ যে প্ৰতিটো সমস্যাই মোক শক্তিশালী কৰি তুলিছে, ইও মোক শক্তিশালীও কৰি তুলিব।'
এই পোষ্টটোত ৰজলিনে আৰু লিখিছে, ‘মোৰ কিছুমান মৰমলগা মানুহ আছে যিয়ে মোৰ বাবে প্ৰাৰ্থনা কৰে, মোৰ ভালৰ বাবে চিন্তা কৰে। ডিঙি আৰু পিঠিৰ তীব্ৰ বিষৰ বাহিৰে মোৰ কোনো সমস্যা হোৱা নাছিল। জিমনাষ্টিকছৰ বিষ আৰু কঁকালৰ বিষ বুলি ভাবি কৰি ভুল কৰিলোঁ। বাৰু, সোনকালে চিনি পালোঁ।' একে সময়তে ৰজলিনে কামৰ বিষয়ে লিখিছে, ‘প্ৰিয় ব্ৰেণ্ডসমূহ মই প্ৰতি মাহৰ দ্বিতীয় সপ্তাহত আপোনালোকৰ বাবে শ্বুটিং কৰিবলৈ উপলব্ধ হ’ম কাৰণ আগন্তুক ৭ মাহৰ বাবে মই কেমোথেৰাপিৰ বাবে যাব লাগিব আৰু প্ৰতিটো কেমোথেৰাপিৰ পিছত এসপ্তাহৰ জিৰণি ল’ব লাগিব ..।’
উল্লেখ্য যে ৰজনীশ ডুগলৰ সৈতে সমীৰ অঞ্জানৰ 'আ ভি জা' গীতত ৰ'জলিন খানক দেখা গৈছিল। ৰ'জলিনে বহু চুটি ছবি আৰু টিভি বিজ্ঞাপনত অভিনয় কৰিছে। ইয়াৰ সমান্তৰালকৈ ৰ’জলিন খানে ‘সবিতা ভাভি’, ‘জী লেনে দো এক পল’ ছবিতো কাম কৰি আহিছে।
Continue Reading
