ডিজিটেল ডেস্কঃ এজন যুৱকক বিশ্বৰ আটাইতকৈ গধুৰ জীৱিত ব্যক্তি হিচাপে ঘোষণা কৰা হৈছিল। কাৰণ তেওঁ আছিল বহুত শকত। তেওঁ নিজৰ ওজন নিজে চম্ভালিব নোৱাৰিছিল। কিন্তু এতিয়া এই যুৱকজনৰ অৱস্থা এনেকুৱা হৈ পৰিছে যে তেওঁক চিনি পোৱাটোও কঠিন হৈ পৰিছে। যুৱকজনৰ নাম খালিদ বিন মহচেন শ্বাৰী।
১৯৯১ চনৰ ২৮ ফেব্ৰুৱাৰীত চৌদি আৰৱত জন্মগ্ৰহণ কৰিছিল খালিদ বিন মহচেন শ্বাৰীয়ে। ২০১৩ চনৰ আগষ্ট মাহত খালিদক বিশ্বৰ দ্বিতীয় গধুৰ ব্যক্তি আৰু গধুৰ জীৱিত ব্যক্তি হিচাপে ঘোষণা কৰা হয়।
২০১৩ চনত এই যুৱকজনৰ বয়স আছিল ২২ বছৰ। তেতিয়া যুৱকজনৰ ওজন আছিল ৬১০ কেজি। তেওঁক পৃথিৱীৰ দ্বিতীয় গধুৰ মানুহ হিচাপে জনা গৈছিল। তেওঁতকৈ গধুৰ ব্যক্তিজন আছিল জন ব্ৰ’ৱাৰ মিনোক। আপুনি জানি আচৰিত হ’ব যে খালিদ বিন মহচেন শ্বাৰীয়ে ওজনৰ বাবে খোজ কাঢ়িবও পৰা নাছিল।
অৱশ্যে ইয়াৰ পিছত তেওঁৰ জীৱন সলনি হ’ল। এই যুৱকজনৰ বিষয়ে জনাৰ পিছত ২০১৩ চনত তেতিয়াৰ চৌদি আৰৱৰ ৰজা আব্দুল্লাই তেওঁক ৰিয়াদলৈ আহিবলৈ নিৰ্দেশ দিছিল, যাতে তেওঁৰ ওজন কমোৱাৰ বাবে অস্ত্ৰোপচাৰ কৰিব পৰা যায়। ইয়াৰ পাছতে খালিদক ঘৰৰ পৰা ওলিয়াই আনিবলৈ আমেৰিকাৰ পৰা ক্ৰেন এখন মাতি অনা লৈছিল। এই ক্ৰেনেৰে তেওঁক ঘৰৰ পৰা উলিয়াই বিমানেৰে ৰিয়াদলৈ অনা হৈছিল।
খালিদ মহচেন আল শ্বাৰীৰ ওজন নিয়ন্ত্ৰণ কৰিবলৈ চিকিৎসা আৰু অস্ত্ৰোপচাৰৰ উপৰিও সুষম খাদ্য গ্ৰহণ কৰিবলৈ দিয়া হৈছিল। ইয়াৰ পিছত খালিদ বিন মহচেন শ্বাৰীয়ে পৰৱৰ্তী ৬ মাহত তেওঁৰ ওজন আধালৈ হ্ৰাস কৰে। ৬ মাহত তেওঁৰ ওজন ৩২০ কিলোগ্ৰাম হ্ৰাস পায়।
খালিদক চিকিৎসাৰ বাবে ৰিয়াদৰ কিং ফাহদ মেডিকেল চিটিলৈ অনা হয়। ইয়াত খালিদৰ চিকিৎসা কিছু বছৰ ধৰি চলিছিল। চিকিৎসা আৰম্ভ হোৱাৰ তিনি বছৰৰ পাছত ২০১৬ চনত খালিদে নিজৰ এটা ভিডিঅ’ শ্বেয়াৰ কৰিছিল। ইয়াত তেওঁক জিমাৰ ফ্ৰেম লৈ খোজ কাঢ়ি থকা দেখা গৈছিল।
২০১৮ চনৰ জানুৱাৰী মাহত খালিদৰ শৰীৰৰ অতিৰিক্ত ছাল আঁতৰাবলৈ শেষৰ এটা অস্ত্ৰোপচাৰ কৰা হৈছিল। ইয়াৰ পিছত যেতিয়া তেওঁ মানুহৰ সন্মুখলৈ আহিছিল, তেতিয়া মানুহবোৰ তেওঁক দেখি আচৰিত হৈছিল। পাঁচ বছৰৰ পাছত খালেদ মহচেন আল শ্বাৰীৰ ওজন ৫৪২ কিলোগ্ৰাম হ্ৰাস পায়। বৰ্তমান খালিদৰ ওজন মাত্ৰএসময়ত ৬১০ কেজি ওজনৰ ল’ৰা এটাক ঘৰৰ পৰা উলিয়াই আনিবলৈ ক্ৰেন মাতিছিল, এতিয়া অৱস্থা এনেকুৱা হৈছে ৬৮ কেজি। এতিয়া তেওঁৰ ফালে চাই কোনেও ক’ব নোৱাৰে যে এসময়ত তেওঁৰ ওজন আছিল ৬১০ কেজি।
Continue Reading
