কেটৰিনা কাঈফৰ বাবে অসুবিধা হৈছিল জাৰিন খানৰ! কিয়?

ডিজিটেল ডেস্কঃ ছলমান খানৰ হাতত ধৰি অভিনয়ৰ ক্ষেত্ৰলৈ আহিছিল। প্ৰথম দৃষ্টিত দৰ্শকে তাইক দেখি ক'লে, "সেইজনী ঠিক কেটৰিনা কাইফ!" কিন্তু এই সাদৃশ্যৰ বাবেই অভিনেত্ৰী জাৰিন খানে বলীউডত ক্ষতিগ্ৰস্ত হৈছিৱ! বলীউডলৈ অহাৰ পিছত তেওঁক ‘অহংকাৰী’ উপাধি দিয়া হৈছিল। ২০১০ চনত জৰীনে ‘বীৰ’ ছবিত অভিনয় কৰিবলৈ আৰম্ভ কৰে।

শেহতীয়াকৈ এক সাক্ষাৎকাৰত অভিনেত্ৰীগৰাকীয়ে বলীউডৰ অভিজ্ঞতাৰ বিষয়ে মুকলিকৈ কয়। জৰিনে কয়, ‘বীৰ’ ছবিখনত অভিনয় কৰাৰ পিছৰ সময়খিনি মোৰ বাবে একেবাৰেই ভাল নাছিল। বহুত সমালোচনাৰ সন্মুখীন হ’লোঁ৷ ডাঙৰ ডাঙৰ ছবি আছিল। সঁচাকৈয়ে এতিয়ালৈকে জীৱন সলনি কৰা মুহূৰ্ত আছিল। প্ৰথমতে মই বৰ সুখী হৈছিলো কেটৰিনাৰ লগত কৰা তুলনাত। বৰ ধুনীয়া তাই। কিন্তু এই কথাটো ওলোটা হৈ গৈছে।"

অভিনেত্ৰীগৰাকীয়ে লগতে কয়, ‘মোৰ ওজন অতিৰিক্ত আছিল। গতিকে কেটৰিনাৰ লগত মোৰ তুলনা মোৰ বাবে এটা ডাঙৰ কথা আছিল। কিন্তু এই সাদৃশ্যৰ পৰাই মোৰ দুখ-কষ্ট আৰম্ভ হয়। উদ্যোগটোত হেৰাই গ’লোঁ৷ বেছিভাগ মানুহকে চিনি নাপালোঁ। কেৱল পৰিচালক আৰু প্ৰযোজকৰ নামহে জানিছিলোঁ। সিহঁতে ভাবিবলৈ ধৰিলে, মই নিশ্চয় বৰ সৰু। ছলমান খানৰ ছবিখনত অভিষেক ঘটোৱাৰ বাবে মই গৌৰৱান্বিত।’

সেই সময়ৰ উত্থান-পতনৰ বিষয়ে জাৰিনে কয়, “এটা সময় আছিল যেতিয়া মই ঘৰৰ পৰা ওলাই আহিবলৈ ভয় কৰিছিলো। কাপোৰৰ ওপৰত সকলোৱে মন্তব্য কৰিলে। কেটৰিনাৰ সৈতে হোৱা উপমাটোৱে নেতিবাচক আকৃতি ল’বলৈ আৰম্ভ কৰে। মোৰ ওজনক লৈ জোকাইছিল। মোক কিমান নাম মাতিছিল।"

‘বীৰ’ৰ উপৰিও জৰীনে ‘হাউছফুল ২’, ‘আক্সাৰ ২’, ‘১৯২১’কে ধৰি কেইবাখনো ছবিত অভিনয় কৰিছে।