"মই মোৰ পিতৃ-মাতৃৰ বিচ্ছেদ নিজ চকুৰে দেখিছিলো", নাৰীবাদক "নিন্দা" কৰি কি ক'লে নোৰা ফাতেহীয়ে?

সংবাদ মাধ্যমৰ সৈতে হোৱা এক সাক্ষাৎকাৰত নোৰাই কয় যে যিসকল প্ৰকৃত নাৰীবাদী সেইসকলক তেওঁ এই মন্তব্য কৰা নাছিল। বা যিসকলে নাৰীৰ অধিকাৰক লৈ কণ্ঠস্বৰ প্ৰকাশ কৰে, নোৰাই কয় যে এই মন্তব্য তেওঁলোকৰ বাবেও নহয়। পশ্চিমীয়া দেশৰ ‘তথাকথিত নাৰীবাদ’ক লক্ষ্য কৰি এই মন্তব্য কৰা বুলি অভিনেত্ৰীগৰাকীয়ে কয়। নোৰাই কয়, ‘মই এটা কথা স্পষ্টকৈ ক’ব বিচাৰো, এই সমস্যা ভাৰতৰ নহয়। আমি এতিয়াও সংস্কৃতি আৰু মৰ্যাদাক মূল্য দিওঁ। কিন্তু পশ্চিমীয়া দেশৰ বহু লোক আছে যিয়ে ভাবিছে যে সকলো কাম অকলে কৰিব পাৰি। আনকি সন্তান জন্ম দিয়া আৰু অকলে চোৱা-চিতা কৰা সম্ভৱ বুলিও ভাবে। অৱশ্যেই কৰিব পাৰি। কিন্তু এই বিষয়টোক ইমান উৎসাহিত কৰাৰ প্ৰয়োজন নাই। বৰঞ্চ পিতৃ, মাতৃ আৰু সন্তানে গঢ় লৈ উঠা পৰিয়ালৰ গাঁথনিক উৎসাহিত কৰা উচিত।”

নোৰাই কয় যে তেওঁ এই মন্তব্য নিজৰ অভিজ্ঞতাৰ পৰাই কৰিছে। তেওঁৰ ভাষাত "মোৰ পৰিয়ালৰো বিবাহ বিচ্ছেদ হ'ল। মোৰ ১০-১১ বছৰ বয়সত মোৰ মা-দেউতাৰ বিবাহ বিচ্ছেদ হৈছিল। অকলশৰীয়া মাতৃ হোৱাৰ দোষবোৰ মই নিজ চকুৰে দেখিছোঁ।” 

নোৰাই তেওঁৰ পুৰণি মন্তব্যৰ বিষয়ে কয়, ‘মোৰ মন্তব্যৰ সঠিক ব্যাখ্যা কৰা হোৱা নাছিল। কিন্তু যদি সঁচাকৈয়ে কাৰোবাক আঘাত দিলোঁ তেন্তে তাৰ বাবে ক্ষমা বিচাৰিছো। কিন্তু মোৰ উদ্দেশ্য সেয়া নাছিল।"