ডিজিটেল ডেস্কঃ পত্নীৰ খঙৰ বলি হ’ল এজন দুৰ্ভগীয়া স্বামী। স্বামীৰ দোষ আছিল তেনেই সাধাৰণ। তেওঁ খাদ্য নোখোৱাকৈ শুইছিল। সেই খঙতেই স্বামীক ক্ৰিকেট বেটেৰে কোবাই কোবাই আধামৰা কৰিলে পত্নীয়ে। ৰাজস্থানৰ বিকানেৰত সংঘটিত হৈছে এই চাঞ্চল্যকৰ ঘটনা। স্বামী-পত্নীৰ মাজত বিবাদ ইমানেই বৃদ্ধি পালে যে ক্ষুব্ধ পত্নীয়ে ক্ৰিকেটৰ বেটেৰে স্বামীক বৰ বেয়াকৈ প্ৰহাৰ কৰে। এই ঘটনাৰ এক চাঞ্চল্যকৰ ভিডিঅ’ পোহৰলৈ আহিছে।
স্বামীয়ে খাদ্য নোখোৱাকৈ শুই যোৱাৰ বাবে পত্নীৰ ইমানেই খং উঠিল যে পত্নীয়ে শুই থকা স্বামীক ক্ৰিকেট বেটেৰে প্ৰহাৰ কৰিবলৈ ধৰে। প্ৰহাৰ ইমানেই ভয়ংকৰ আছিল যে স্বামীৰ মূৰত এক ডজনতকৈও অধিক চিলাই পৰিছে। কেৱল এয়াই নহয়, চুবুৰীটোৰ মানুহ আৰু স্বামীৰ পৰিয়ালৰ অন্য মানুহে পত্নীৰ হাতৰ পৰা বেটখন কাঢ়ি লৈছিল যদিও তেওঁ পুনৰ বেটখন নিজৰ হাতলৈ কাঢ়ি আনি অৰ্ধমৃত স্বামীক আক্ৰমণ কৰে।
উল্লেখ্য যে ভুক্তভোগী স্বামীৰ আত্মীয়ই অভিযোগ কৰিছে যে স্বামী আমিনে মহিলাগৰাকীৰ বিৰুদ্ধে কৰা অভিযোগ সন্দৰ্ভত আৰক্ষীয়ে ব্যৱস্থা লোৱাৰ পৰিৱৰ্তে আৰক্ষী থানাই পত্নীৰ পক্ষ লৈ স্বামী আৰু তেওঁৰ ওচৰ-চুবুৰীয়াৰ বিৰুদ্ধে দাখিল কৰা নিৰ্যাতনৰ গোচৰত তেওঁক গ্ৰেপ্তাৰ কৰাৰ ভাবুকি দিছে।
আৰক্ষীৰ এই মনোভাৱৰ বিৰুদ্ধে ভুক্তভোগী স্বামীৰ আত্মীয় আৰু স্থানীয় ৰাইজে বিকানেৰৰ আৰক্ষী অধীক্ষকক ন্যায় প্ৰদান কৰিবলৈ অনুৰোধ জনাইছে। ভুক্তভোগী স্বামীৰ আত্মীয়ই কয় যে তেওঁ শুই আছিল, তাৰ পিছত পিছফালৰ পৰা আক্ৰমণ কৰা হৈছিল, মূৰত কমেও ১৫ টা চিলাই পৰিছে। আমাৰ হাতত ভিডিঅ’ প্ৰুফ আছে কিন্তু কোনো আৰক্ষীয়ে ব্যৱস্থা গ্ৰহণ কৰা নাই।
ভুক্তভোগী স্বামীৰ আত্মীয়ই অভিযোগ কৰিছে যে আৰক্ষীয়ে একো কোৱা নাই, এতিয়ালৈকে কোনো ব্যৱস্থা গ্ৰহণ কৰা নাই। ওলোটাই আমাৰ বিৰুদ্ধেহে গোচৰ ৰুজু হৈছে। ব্যাস কলনী আৰক্ষী থানাত আমাৰ বিৰুদ্ধে গোচৰ ৰুজু হৈছে, চাৰিজন ভাতৃৰ নাম লোৱা হৈছে। এই মূৰ ফাটি যোৱা ভিডিঅ'টো কি মিছা নেকি নে মহিলাই কাৰোবাক হত্যা কৰাৰো অনুমতি পায় বুলি ক্ষোভ উজাৰিছে পৰিয়ালৰ লোকে।
Continue Reading
