ডিজিটেল ডেস্ক: সম্প্ৰতি যিকোনো সুখৰ মুহূৰ্ত কেক কটি উপভোগ কৰা হয়৷ কেক হৈ পৰিছে প্ৰতিটো সুখৰ মুহূৰ্তৰ অবিচ্ছেদ্য অংশ৷প্ৰতিটো বয়সৰ লোকৰ প্ৰিয় কেক৷ হয়টো কম সংখ্যক লোকহে ওলাব যিসকলে কেক খাএ ভাল নেপাই৷ সাৱধান হওক আপোনাৰ প্ৰিয় কেক কৰ্কট ৰোগৰ কাৰণ হ’ব পাৰে!
শেহতীয়া এক পৰীক্ষাত বেংগালুৰুৰ ১২ বিধ কেকত কৰ্কট ৰোগ সৃষ্টিকাৰী পদাৰ্থ থকা উপাদানসমূহ পোৱা গৈছে বুলি তথ্য প্ৰকাশ পাইছে৷ সম্প্ৰতি কৰ্ণাটকৰ খাদ্য সুৰক্ষা আৰু গুণগত মান বিভাগে সাৱধান হ’বলৈ পৰামৰ্শ প্ৰদান কৰিছে।
ৰাজ্যখনৰ বেকৰীসমূহে প্ৰস্তুত কৰা কেকত সম্ভাৱ্য কাৰ্চিনোজেনিক উপাদান ব্যৱহাৰৰ সন্দৰ্ভত বিভাগটোৱে এক সতৰ্কবাণী জাৰি কৰিছে। বেংগালুৰুৰ কেইবাখনো বেকৰীৰ ১২টা ভিন্ন কেকত কেন্সাৰ সৃষ্টিকাৰী পদাৰ্থ থকাৰ কথা এক পৰীক্ষাৰ অন্তত পোহৰলৈ আহিছে।
কৰ্ণাটকৰ খাদ্য সুৰক্ষা আৰু গুণগত মান বিভাগে বেকৰীসমূহক খাদ্য সুৰক্ষা আৰু গুণগত মান মানি চলিবলৈ আহ্বান জনাইছে আৰু কেকত ব্যৱহাৰ কৰা কৃত্ৰিম ৰঙে কেৱল কৰ্কট ৰোগৰ সম্ভাৱনা বৃদ্ধি কৰাই নহয়, বিভিন্ন শাৰীৰিক আৰু মানসিক স্বাস্থ্যজনিত সমস্যাৰো সৃষ্টি কৰিব পাৰে বুলি সদৰি কৰিছে।
Continue Reading
