ডিজিটেল ডেস্ক: যদিও আমাৰ শৰীৰৰ হাড়বোৰ অতি লঘু, তথাপিও ই আপোনাৰ সমগ্ৰ ওজন চম্ভালিব পৰাকৈ শক্তিশালী। আৰু লগতে হাড়ে শৰীৰৰ সকলো অংগ ৰক্ষা কৰে। সেয়েহে হাড়ৰ দুৰ্বলতা, বিষ বা যিকোনো ধৰণৰ ৰোগ আপোনাৰ বাবে ক্ষতিকাৰক হ'ব পাৰে।
হাড় দুৰ্বল হোৱাৰ লক্ষণ কি কি?
হাড় দুৰ্বল হোৱাৰ বহু আগতীয়া সতৰ্কবাণী আছে। যেনে আঁঠুৰ ৰোগ, দুৰ্বল, উচ্চতা কমি যোৱা, পিঠি বা ডিঙিৰ বিষ, হাড় ভাঙি যোৱা আদিও হাড়ৰ দুৰ্বলতাৰ লক্ষণ।
হাড়ে কেনেকৈ শক্তি পায়?
পুষ্টিবিদ অঞ্জলী মুখাৰ্জীয়ে কয় যে কিছুমান বিশেষ খাদ্য আছে যিয়ে কেলচিয়াম শোষণত বাধা দিয়ে আৰু শেষত হাড় ক্ষয় কৰাত সহায় কৰে। গতিকে ইয়াৰ উন্নত শোষণৰ বাবে খাদ্যত মেগনেছিয়াম, ফছফৰাছ, ভিটামিন এ, চি আৰু ভিটামিন ডিৰ সৈতে কেলচিয়াম গ্ৰহণ কৰিব লাগে। লগতে সপ্তাহত ৬ দিন কমেও ৩০ মিনিট নিয়মীয়াকৈ ব্যায়াম কৰিব লাগে।
হাড়ৰ স্বাস্থ্য বজাই ৰখাৰ উপায় ক’লে বিশেষজ্ঞই
১) শীতল পানীয়: হাড় সুস্থ কৰি ৰাখিবলৈ শীতল পানীয় খোৱাৰ পৰা বিৰত থাকিবলৈ কয় পুষ্টিবিদসকলে। আচলতে এই পানীয়বোৰ চেনি আৰু কেফেইনেৰে ভৰি থাকে। লগতে ইয়াত ফছফৰিক এচিড থাকে, যিয়ে হাড়বোৰ ফুটা কৰাৰ কাম কৰে।
২) পশু ভিত্তিক প্ৰটিন খাদ্য: বিশেষজ্ঞসকলে জীৱ-জন্তুৰ পৰা পোৱা প্ৰটিনযুক্ত খাদ্য অত্যধিক সেৱন নকৰিবলৈ পৰামৰ্শ দিয়ে। কিছুমান গৱেষণাৰ পৰা এইটোও দেখা গৈছে যে যিসকল লোকে মাংস বেছিকৈ খায় তেওঁলোকৰ অষ্টিঅ’পৰ’ছিছ আৰু হাড় ভাঙি যোৱাৰ সম্ভাৱনা বাকীসকলতকৈ বেছি।
৩) কেফেইন: চাহ আৰু কফিত থকা কেফেইনে শৰীৰৰ পৰা কেলচিয়াম আঁতৰোৱাৰ কাম কৰে। যাৰ ফলত হাড়বোৰ ক্ৰমান্বয়ে দুৰ্বল হ’বলৈ আৰম্ভ কৰে। এনে অৱস্থাত পুষ্টিবিদসকলে অতি নিয়মীয়াকৈ কেফেইন সেৱন কৰাত বাধা প্ৰদান কৰে।
৪) ধূমপান কৰা: ধঁপাতত নিকোটিন নামৰ এবিধ উপাদান থাকে। যিয়ে শৰীৰৰ কেলচিয়াম শোষণ কৰাৰ ক্ষমতাত নেতিবাচক প্ৰভাৱ পেলায়। এনে অৱস্থাত যদি আপুনি ধূমপান কৰি আছে বা ধঁপাত চোবাই আছে, তেন্তে আপুনি আপোনাৰ হাড় দুৰ্বল কৰি তুলিছে।
৫) চেনি আৰু নিমখ: বিশেষজ্ঞসকলে কয় যে অধিক পৰিমাণে চেনি আৰু নিমখ সেৱন কৰিলে আপোনাৰ হাড়ৰ স্বাস্থ্যৰ ক্ষতিও হয়। শৰীৰত অতিৰিক্ত নিমখ আৰু চেনি থকাৰ ফলত কেলচিয়াম নিৰ্গত হ’ব পাৰে।
৬) এলেহুৱা জীৱনশৈলী: এলেহুৱা জীৱনশৈলী হাড়ৰ শক্তিৰ বাবে ক্ষতিকাৰক হ’ব পাৰে। এনে অৱস্থাত খোজ কঢ়া বা দৌৰাৰ দৰে শাৰীৰিক ব্যায়ামে আপোনাক হাড়ৰ দীৰ্ঘম্যাদী শক্তিৰ বাবে সহায় কৰিব পাৰে।
Continue Reading
