ডিজিটেল ডেস্কঃ খাদ্যত বিহ মিহলি কৰি বিহাৰৰ মুখ্যমন্ত্ৰীক হত্যা কৰাৰ চেষ্টা! নীতিশ কুমাৰক হত্যা কৰাৰ পৰিকল্পনা কিছু দিন ধৰি চলি আহিছে! এই দাবী কৰিছে বিহাৰৰ প্ৰাক্তন মুখ্যমন্ত্ৰী আৰু হিন্দুস্তানী আৱাম মৰ্চা (এইচএএম)ৰ নেতা জিতন ৰাম মাঝিয়ে৷
নীতিশৰ যৌন শিক্ষাৰ মন্তব্যক লৈ হোৱা বিতৰ্কৰ মাজতে জিতনে ৰামে এতিয়া নীতিশৰ বিৰুদ্ধে "হত্যাৰ ষড়যন্ত্ৰ" ৰচনা কৰা বুলি অভিযোগ কৰিছে। তেওঁ দাবী কৰিছে যে বিহাৰৰ মুখ্যমন্ত্ৰীয়ে বিষাক্ত পদাৰ্থৰ প্ৰভাৱৰ বাবেই মহিলাসকলৰ বিষয়ে ভুল মন্তব্য কৰিছিল।
পাটনাত জিতন ৰাম মাঝিয়ে কয়, "এক ষড়যন্ত্ৰ চলিছে। নীতিশ কুমাৰক হত্যা কৰিবলৈ তেওঁৰ খাদ্যত বিহ মিহলোৱা হৈছে। ফলস্বৰূপে, তেওঁ মহিলাৰ নামত এনে মন্তব্য কৰিছে।’’ মুখ্যমন্ত্ৰী নীতিশৰ পদ কাঢ়ি নিবলৈ খাদ্যত বিহ মিহলোৱা হৈছে বুলিও মাঝিয়ে কয়৷
কিন্তু কোনে এই ষড়যন্ত্ৰ ৰচনা কৰিছে আৰু কোনে বিহাৰৰ মুখ্যমন্ত্ৰীক হত্যা কৰিবলৈ চেষ্টা কৰি আছে সেই বিষয়ে জিতনে একো মন্তব্য কৰা নাই। নীতিশ কুমাৰে উত্থাপন কৰা সংৰক্ষণ প্ৰস্তাৱক সমৰ্থন কৰি জিতন ৰামে কয় যে ৰাজপত্ৰিত বিষয়াসকলৰ মাজত জনজাতীয় লোকসকলৰ প্ৰতিনিধিত্ব তেনেই কম৷
Continue Reading
