ডিজিটেল ডেস্কঃ শৈশৱ এনেকুৱা এটা কাল য'ত আমি কোনো চিন্তা নকৰাকৈ জীৱনৰ আনন্দ লওঁ। শৈশৱেই এনেকুৱা এটা কাল যেতিয়া আমি কোনো দায়িত্ব আৰু কাম তথা সময়কলৈ চিন্তিত নহয়।
শৈশৱ কালে আমাক কোনো হেঁচা নোহোৱাকৈ জীৱনটো জীয়াই থকাৰ স্বাধীনতা দিয়ে। আমি ডাঙৰ হওঁ কিন্তু শৈশৱ কালৰ স্মৃতিয়ে আমাৰ কেতিয়াও পাছ নেৰে। শেহতীয়াকৈ এটি ছবছৰীয়া শিশুৰ টাইম টেবুল ভাইৰেল হৈ পৰিছে।
টাইম টেবুলখনত ৬ বছৰীয়া ল'ৰাটোৱে দৈনন্দিন কাম-কাজ পৰিপাটিকৈ এটা সময়সূচীত শ্ৰেণীভুক্ত কৰিছে। দিনটোৰ সময়খিনি অতি আকৰ্ষণীয়ভাৱে পৰিচালনা কৰিছে শিশুটোৱে। এই সময়সূচীৰ বিভিন্ন অংশ আৰু ইয়াৰ নিৰ্ধাৰিত সময়বোৰ দেখি আপোনাৰ মুখত হাঁহি ফুটি উঠিব।
এই ভাইৰেল টাইম টেবুলত পুৱা ৯ বজাৰ পৰা নিশা ৯ বজালৈ সময় নিৰ্ধাৰণ কৰা হৈছে। এই শিশুটিৰ টাইম টেবুলত আম খাবলৈ আৰু গাড়ীৰ লগত খেলিবলৈও সময় নিৰ্ধাৰণ কৰা হৈছে।
৩ ঘণ্টা ফাইটিং কৰিবলৈ আৰু ১৫ মিনিট পঢ়িবলৈ সময় নিৰ্ধাৰণ কৰিছে শিশুটিৱে। অতি আমোদজনক কথাটো হ’ল ইয়াত ফাইটিঙৰ সময় তিনি ঘণ্টা আৰু অধ্যয়নৰ বাবে মাত্ৰ ১৫ মিনিট সময় নিৰ্ধাৰণ কৰা হৈছে।
ছ’চিয়েল মিডিয়া টুইটাৰত এই পোষ্টটো ভাইৰেল হৈ পৰিছে। বহুত কমেন্ট আৰু ৰিয়েকচনৰ সৈতে ভাইৰেল হৈ আছে শিশুটিৰ টাইম টেবল।
এই কণমানি শিশুটিৰ টাইম টেবুল দেখি মানুহে হাঁহি ৰখাব পৰা নাই। কিছুমানে নিজৰ শৈশৱৰ স্মৃতিবোৰ কমেন্টত শ্বেয়াৰ কৰিছিল, আন কিছুমানে কৈছিল যে কেনেকৈ তেওঁলোকেও আগতে এনে এক ৰুটিন বনাইছিল, য’ত পঢ়া-শুনা কেৱল এটা শ্ব’ অফ আছিল।
Continue Reading
