খহি পৰিল অট্টালিকা; ৯ জন গুৰুতৰভাবে আহত

ডিজিটেল ডেস্কঃ খহি পৰিল এটা অট্টালিকা। যাৰফলত ৯জনকৈ লোক গুৰুতৰভাবে আহত হয়। এই অঘটন সংঘটিত হৈছে মুম্বাইত। মঙলবাৰে পুৱা প্ৰায় ৮.১০ বজাত মুম্বাইৰ জয় মহাৰাষ্ট্ৰ নগৰৰ এনটপ হিল এলেকাত অৱস্থিত অট্টালিকাটো খহি পৰে। ঘটনাটোত হোৱা ক্ষয়-ক্ষতিৰ পৰিমাণ এতিয়ালৈকে জানিব পৰা হোৱা নাই যদিও বিস্তৰ ক্ষতিসাধনৰ সম্ভাৱনা ব্যক্ত কৰিছে আৰক্ষী তথা প্ৰশাসনে৷

ঘটনাস্থলীত চাৰিখনকৈ অগ্নি নিৰ্বাপক বাহিনীৰ বাহন, এখন উদ্ধাৰকাৰী ভান আৰু অন্যান্য অগ্নি নিৰ্বাপক সঁজুলি সহিতে উদ্ধাৰকাৰী দল উপস্থিত হয় উদ্ধাৰ কাৰ্য চলায়৷ ঘটনাৰ খবৰ পোৱাৰ লগে লগে ঘটনাস্থলীত উপস্থিত হয় আৰক্ষী৷ ধ্বংসস্তুপৰ মাজৰ পৰা ৯গৰাকী ব্যক্তিকে জীৱন্তে উদ্ধাৰ কৰি চিকিৎসাৰ বাবে স্থানীয় চিকিৎসালয়লৈ প্ৰেৰণ কৰা হৈছে৷ ৯জন লোকেই গুৰুতৰভাবে আহত হৈছে। অট্টালিকা খহি পৰা খবৰে অঞ্চলটোত তীব্ৰ চাঞ্চল্যৰ সৃষ্টি কৰিছে।

আৰু পঢ়কঃ হোটেলত গাৰ্লফ্ৰেণ্ডৰ সৈতে আৰক্ষী বিষয়াক হাতে-লোটে ধৰা পেলালে পত্নীয়ে! তাৰপাছত?

বৰ্তমানলৈকে সমগ্ৰ ঘটনাটোত হোৱা ক্ষয়-ক্ষতি আৰু বিনষ্ট হোৱা সামগ্ৰীৰ সঠিক হিচাপ লাভ কৰিব পৰা হোৱা নাই৷ এই অঘটনৰ প্ৰকৃত কাৰণ বিচাৰিবলৈ আৰক্ষীক তদন্তৰ নিৰ্দেশ প্ৰশাসনৰ।