কি ৫বিধ খাদ্যই কোষ্ঠকাঠিন্য আৰু বদহজম দূৰ কৰাত সহায় কৰে, জানো আহক

ডিজিটেল ডেস্ক : পাচনতন্ত্ৰ শক্তিশালী হ’লে বিভিন্ন ৰোগৰ আশংকা বহু পৰিমাণে কমি যায়। ভাল হজমে শৰীৰক উপযুক্ত পুষ্টি যোগান ধৰিব পাৰে। ইফালে বদহজম আৰু কোষ্ঠকাঠিন্যৰ সমস্যাই বহু দিশত মানুহক অসুস্থ কৰি তুলিব পাৰে। যিসকলে এনে পেটৰ সমস্যাত ভুগিছে, তেওঁলোকৰ এটাৰ পাছত আনটো বেমাৰ হৈ থাকে। এনে অৱস্থাত সমস্যাৰ পৰা হাত সাৰিবলৈ এনে ৫বিধ খাদ্যৰ বিষয়ে জানি লওঁক।

 ১. হালধিঃ-হালধি হৈছে উত্তম প্ৰাকৃতিক এন্টি-ইনফ্লেমেটৰী আৰু এন্টি-অক্সিডেন্ট। যদি আপুনি বদহজম আৰু কোষ্ঠকাঠিন্যৰ সমস্যাত ভুগি আছে, তেন্তে হালধি খাব পাৰে। ৰন্ধা-বঢ়াত ব্যৱহাৰ কৰিব পাৰে, লগতে হালধিৰ ৰস প্ৰস্তুত কৰি খাব পাৰে। ইয়াৰ বাহিৰেও সোণালী গাখীৰৰ লগত মিহলাই খাব পাৰে। গৰম পানী আৰু মৌৰ লগত হালধি মিহলাই খালে সুফল পোৱা যায়।

২. জালুকঃ-এটা উপযোগী মছলা হ’ল জালুক। ই কেৱল খাদ্যৰ সোৱাদ বৃদ্ধি কৰাই নহয়, শৰীৰকো উপকৃত কৰে। ডিঙি, হাওঁফাওঁ, অন্ত্ৰ, পেশী, গাঁঠিকে ধৰি সকলো ধৰণৰ প্ৰদাহ হ্ৰাস কৰাৰ কাম কৰে। কাহ-চৰ্দি, গাঁঠিৰ বিষ, ভোকহীনতা আদি কমোৱাতো ই অতি ফলপ্ৰসূ। চাহ লগতো জালুক ব্যৱহাৰ কৰিব পাৰে।

৩. আদাৰঃ-আদাই পেটৰ বিষ, ক্ৰেম্প, গেছ, কোষ্ঠকাঠিন্য আদি বিভিন্ন ধৰণৰ পেটৰ সমস্যা দূৰ কৰাত কাম কৰে। বদহজমত আদা অতি ফলপ্ৰসূ। চাহৰ লগত নিয়মিতভাৱে আদা খোৱাৰ অভ্যাসে স্বাস্থ্যৰ বাবে ফলপ্ৰসূ। নিয়মিতভাৱে আদা খালে পেটৰ সমস্যা সহজে দূৰ হয়।

৪. লংঃ-লং হৈছে এবিধ মছলা যিয়ে পেটক ঠাণ্ডা কৰে। দাঁতৰ বিষ, ডিঙিৰ বিষ, গাঁঠিৰ বিষ আদিতো ই অতি উপকাৰী। পেটৰ সমস্যাৰ পৰা হাত সাৰিবলৈ চাহৰ লগত লং খাব পাৰে। বাহ্যিক সমস্যাৰ পৰা মুক্তি পাবলৈ লং তেল ব্যৱহাৰ কৰিব পাৰে।

৫. মেথিঃ-মেথিত বিষ নিবাৰণকাৰী গুণ আছে যিয়ে প্ৰদাহ কমোৱাৰ কাম কৰে। বিষ, কোষ্ঠকাঠিন্য, পেট ফুলা, ওজন নিয়ন্ত্ৰণ আদিৰ বাবে দীৰ্ঘদিন ধৰি ব্যৱহাৰ হৈ আহিছে। মেথি পানীত উতলাই তাৰ পৰা ভাপ ল’ব পাৰে। তদুপৰি বিভিন্ন ৰন্ধা-বঢ়াতো ইয়াক ব্যৱহাৰ কৰিব পাৰি।