কি আছে নতুন গো-সুৰক্ষা সংশোধনী আইনত?

ডিজিটেল ডেস্ক: আজি সদনত গৃহীত হ’ল গো-সুৰক্ষা সংশোধনী আইন৷ শেহতীয়াকৈ ৰাজ্যত চৰ্চিত হৈছিল গো-হত্যা আৰু গৰুৰ অবৈধ সৰবৰাহৰ ঘটনা৷ প্ৰতিদিনে সংবাদ শিৰোনাম দখল কৰিছিল অবৈধ গৰুৰ সৰবাহৰ ঘটনাই৷ আৰক্ষীৰ নাকৰ তলেৰেই অবৈধ গৰু সৰবৰাহ কৰিছিল বাংলাদেশলৈ৷ উল্লেখ্য যে, মুখ্যমন্ত্ৰী ডঃ হিমন্ত বিশ্ব শৰ্মা সৰব হৈছিল গো-সুৰক্ষাৰ ওপৰত৷ অৱশেষত বিধানসভাৰ শীতকালীন অধিবেশনৰ চতুৰ্থ দিনা গৃহিত হয় আইনখন৷

কি আছে এই নতুন গো-সৰক্ষা সংশোধনী আইনত?

• গো-হত্যা ৰোধ কৰাৰ বাবে এই পদক্ষেপ গ্ৰহণ কৰে চৰকাৰে৷
• এই আইনৰ ফলত কৃষকৰ গো-পালন বন্ধ নহয়।
• বাংলাদেশৰ সীমামূৰীয়া জিলালৈ গো-সৰবৰাহ বন্ধ কৰাৰ উদ্দেশ্যে গৃহীত হৈছে এই আইন।
• ম’হৰ ক্ষেত্ৰত কোনোধৰণৰ নিষেধাজ্ঞা আৰোপ কৰা নহয়।
• অবৈধ গো-সৰবৰাহ কৰা বাহনৰ মালিকেও পাব শাস্তি পাব।
• জব্দকৃত বাহন নিলাম কৰিব অসম আৰক্ষীয়ে।
• দুগ্ধ উৎপাদনৰ ওপৰত বিশেষ গুৰুত্ব গো-সুৰক্ষা সংশোধনী আইনখনৰ।
• গৰুৰ প্ৰতি হিংসা কম কৰাৰ উদ্দেশ্যে গৃহীত হৈছে এই আইন।

শেহতীয়াকৈ সদনত প্ৰকাশ কৰা তথ্য অনুসৰি, গৰু সৰবৰাহ সম্পৰ্কত ৪০৬টা গোচৰ ৰুজু হৈছে সমগ্ৰ অসমত৷ তাৰে প্ৰায় ২৪০জনক সৰবৰাহকাৰীক গ্ৰেপ্তাৰ কৰিছে আৰক্ষীয়ে৷ বৰ্তমানলৈ ৰাজ্যত অবৈধভাৱে গো-সৰবৰাহ কৰি জব্দ কৰা হৈছে মুঠ ৬৮খন বাহন৷ তাৰ বিপৰীতে উদ্ধাৰ হৈছে ২০০৪টা গৰু৷ ইপিনে আৰক্ষীৰ গুলীত এজন সৰবৰাহকাৰী নিহতও হয়, আনহাতে আহত হয় ৫জনকৈ লোক৷ এই আইনৰ ফলত নেচনেল ডায়েৰী ডেভেলপমেণ্টৰ জৰিয়তে দৈনিক ১০ লাখ লিটাৰ গাখীৰ উৎপাদনৰ লক্ষ্য চৰকাৰৰ৷