ডিজিটেল ডেস্ক
যোৱা দেওবাৰে এক পথ দুৰ্ঘটনাত প্ৰাণ হেৰুৱাইছিল টাটা গোটৰ প্ৰাক্তন অধ্যক্ষ চাইৰাছ মিস্ত্ৰীয়ে৷ বৰ্তমান তেওঁৰ মৰণোত্তৰ পৰীক্ষাৰ প্ৰাথমিক প্ৰতিবেদন প্ৰকাশ কৰা হৈছে। প্ৰতিবেদন অনুসৰি, তেওঁৰ ভৰি আৰু মূৰত গুৰুতৰ আঘাত পোৱা বুলি নিশ্চিত কৰা হৈছে।
ইয়াৰ উপৰিও, তেওঁৰ শৰীৰৰ আন অংশবোৰো আঘাতপ্ৰাপ্ত হৈছিল। প্ৰাথমিক প্ৰতিবেদন অনুসৰি, চাইৰাছ আৰু তেওঁৰ বন্ধু জাহাংগীৰৰ মূৰৰ আঘাতৰ ফলত মৃত্যু হয়। মৰণোত্তৰ পৰীক্ষাৰ প্ৰতিবেদন অনুসৰি, এই দুৰ্ঘটনাত চাইৰাছ মিস্ত্ৰীৰ শৰীৰৰ আভ্যন্তৰীণ অঙ্গবোৰ বেয়াকৈ আঘাতপ্ৰাপ্ত হৈছিল। যাক চিকিৎসাৰ ক্ষেত্ৰত পলিট্ৰোমা বুলি কোৱা হয়। এই আঘাতৰ ফলতেই চাইৰাছ মিস্ত্ৰীৰ ঘটনাস্থলীতে মৃত্যু হয়। লগতে এই ভয়ংকৰ পথ দুৰ্ঘটনাত মুমূৰ্ষুু হৈ পৰা গাড়ীখনলৈ চাই অনুমান কৰিব পাৰি যে গাড়ীখনৰ গতি কেনেধৰণৰ আছিল!
দুৰ্ঘটনাটো সংঘটিত হোৱাৰ সময়ত চাইৰাছ মিস্ত্ৰীৰ লগত মুম্বাইৰ এগৰাকী প্ৰখ্যাত স্ত্ৰীৰোগ বিশেষজ্ঞয়ো আছিল৷ দুৰ্ঘটনাৰ সময়ত স্ত্ৰীৰোগ বিশেষজ্ঞ গৰাকীয়েই গাড়ীখন চলাই আছিল বুলি আৰক্ষীয়ে ফাদিল কৰিছে৷ প্ৰাথমিক তথ্য অনুসৰি ,গাড়ীখন দ্ৰুত গতিত আছিল আৰু চালকজনে ভুল দিশৰ পৰা (বাওঁফালৰ পৰা) আন এখন বাহনক অতিক্ৰম কৰিবলৈ চেষ্টা কৰিছিল৷
এজন প্ৰত্যক্ষদৰ্শীৰ মতে, গাড়ীখন এগৰাকী মহিলাই চলাই আছিল ৷ বাওঁফালৰ পৰা অহা আন এখন বাহনক অতিক্ৰম কৰিবলৈ চেষ্টা কৰোঁতে চাইৰাছ মিস্ত্ৰীৰ বাহনখনে নিয়ন্ত্ৰণ হেৰুৱাইছিল আৰু গাড়ীখনে ৰাস্তাৰ ডিভাইডাৰত খুন্দা মাৰিছিল ৷
উল্লেখযোগ্য যে পথ দুৰ্ঘটনাটোত টাটা গ্ৰুপৰ প্ৰাক্তন অধ্যক্ষ চাইৰাছ মিস্ত্ৰীকে ধৰি দুজন লোক নিহত হয় আৰু আন দুজন আহত হৈছিল।
Continue Reading
