ডিজিটেল ডেস্কঃ বহু মানুহে ছানবাথ কৰি ভাল পায় অৰ্থাৎ ৰ’দত ঘণ্টা ঘণ্টা ধৰি বহি থাকি ভালপায়। ইয়াকে সূৰ্যস্নান কৰা বুলি কোৱা হয়। এগৰাকী যুৱতীয়ে ছানবাথ কৰিবলৈ গৈ পৰিল বিপদত। ব্ৰিটেইনৰ যুৱতীগৰাকীৰ নাম ছিৰিন মুৰাদ। ২৫ বছৰীয়া ছিৰিন মুৰাদে ছুটীত বুলগেৰিয়ালৈ গৈছিল। তাতেই তেওঁ পৰিয়ালৰ সৈতে ৰ’দঘাই বিল এখন চাবলৈ গৈছিল। ৰাতিপুৱাৰ সময় আছিল। উষ্ণতা আছিল ২১ ডিগ্ৰী চেলছিয়াছ।
ছানস্ক্ৰীন প্ৰয়োগ নকৰাকৈ ছিৰিন মুৰাদ ৰ’দত শুই পৰিল। ছিৰিনে ভাবিছিল যে তেওঁ পাঁচ মিনিটৰ পাছত তাৰপৰা উঠি যাব। কিন্তু তাৰ মাজতে ছিৰিনৰ টোপনি আহিল। আধা ঘণ্টাৰ পিছত যেতিয়া তেওঁ চকু মেলিছিল তেতিয়া এক ভয়ানক কাণ্ড ঘটিছিল।
ছিৰিন পেছাত এগৰাকী বিউটিচিয়ান। তেওঁ ভাবিছিল যে পাঁচ মিনিট ৰদত শুই থাকিলে তেওঁৰ এটা ভাল বডী টেনিং হ’ব। কিন্তু তাৰ মাজতে টোপনি আহিল। ছানস্ক্ৰীন নোহোৱাকৈ আধা ঘণ্টা তেওঁ ৰ’দত শুই থাকিল। চকু মেলি দিয়াৰ লগে লগে তেওঁ খৰধৰকৈ তাৰপৰা উঠি ভিতৰলৈ দৌৰি গ’ল। ছিৰিনৰ মুখখন সম্পূৰ্ণ ৰঙা পৰি গৈছিল। সেই সময়ত তেওঁ ইয়াক সহজভাৱে লৈছিল। কিন্তু পাছদিনা পুৱালৈকে পৰিস্থিতি অধিক বেয়া হৈ পৰিছিল।
পিছদিনা আইনাখন দেখি ছিৰিন বেহুঁচ হোৱাৰ উপক্ৰম হ’ল। তেওঁৰ মুখখন একপ্ৰকাৰ জ্বলি উঠিছিল। ছিৰিনৰ কপালখনত প্লাষ্টিকৰ দৰে ভাঁজ পৰিছিল। তেওঁৰ ছালৰ অৱস্থা ইমানেই বেয়া হৈ আহিছিল যে ছিৰিনে দেখি খুব ভয় খাইছিল। যেতিয়া তেওঁৰ মুখৰ পৰা ছালখন এৰি আহিবলৈ ধৰিলে, তেতিয়া তেওঁ চিকিৎসাৰ সহায় ল’লে। ছিৰিনে কয় যে তেওঁৰ এনে লাগিছে যেন তেওঁ পুনৰ জন্ম লৈছে। ছানস্ক্ৰীন অবিহনে এনেদৰে ৰ’দত নাযাবলৈ ছিৰিন মুৰাদে সকলোকে পৰামৰ্শ দিছে।
Continue Reading
