ডিজিটেল ডেস্কঃ বিশ্বকাপত ভাৰতৰ হাতত পৰাস্ত হোৱাৰ পাছত বিৰাট কোহলীক লৈ বিতৰ্কিত মন্তব্য কৰে শ্ৰীলংকাৰ অধিনায়ক কুশল মেণ্ডিছে। ইডেনত ৪৯ সংখ্যক শতক অৰ্জন কৰাৰ বাবে মেণ্ডিছে কোহলীক অভিনন্দন জনাব বিচৰা নাছিল। বিশ্বকাপৰ পৰা ওলাই অহাৰ পিছত সেই বিষয়ে মুকলিকৈ ক’লে মেণ্ডিছে। তেওঁ ক্ষমা খুজিলে।
শ্ৰীলংকাৰ অধিনায়কগৰাকীয়ে কয়- ''সাংবাদিকগৰাকীৰ কথা বুজি নোপোৱাৰ বাবেই সমস্যা হৈছিল। মই গম পোৱা নাছিলো যে বিৰাটে নিজৰ ৪৯ শতক অৰ্জন কৰিছে। এজন সাংবাদিকে মোক সুধিলে। কিন্তু প্ৰশ্নটো মই বুজি পোৱা নাছিলো। ৪৯ শতক অৰ্জন কৰাটো সহজ নহয়। মই ভুল কৰিছিলোঁ। ক্ষমা বিচাৰিছো।''
বাংলাদেশৰ খেলৰ পূৰ্বে শ্ৰীলংকাৰ অধিনায়কগৰাকীয়ে সংবাদমেল অনুষ্ঠিত কৰি থকাৰ সময়তে ইডেনত বিৰাটে শতকীয় ইনিংছ খেলিছিল। এজন সাংবাদিকে তেওঁক সুধিলে, "এদিনীয়া ক্ৰিকেটত বিৰাটৰ ৪৯ শতক। অভিনন্দন জনাবনে?" এই কথা শুনি মেণ্ডিছে সাংবাদিকজনৰ ফালে অলপ সময় চালে। ইয়াৰ পিছত ক'লে, "মই কিয় তেওঁক অভিনন্দন জনাবলৈ যাম?"
