ডিজিটেল ডেস্কঃ বেন ষ্ট’কে এদিনীয়া ক্ৰিকেটৰ পৰা অৱসৰ ল’ব পাৰে বুলি চৰ্চা চলিছে। যোৱা শুকুৰবাৰে অৱসৰৰ কথা ঘোষণা কৰিছিল ডাউদ মালানে। তেওঁলোকৰ পাছতে ইংলেণ্ডৰ অলৰাউণ্ডাৰ ডেভিদ উইলিয়েও শনিবাৰে বিশ্বকাপ পাকিস্তানৰ খেলখনৰ পিছত অৱসৰৰ কথা ঘোষণা কৰে।
৩৩ বছৰীয়া বাওঁহতীয়া বলিং অলৰাউণ্ডাৰ ডেভিড উইলী। শনিবাৰে খেলখনৰ অন্তত উইলেই আন্তঃৰাষ্ট্ৰীয় ক্ৰিকেটৰ সকলো ধৰণৰ পৰা অৱসৰ লোৱাৰ কথা ঘোষণা কৰে। তেওঁ কয়, “এই প্ৰতিযোগিতাত পৰিকল্পনা অনুসৰি একোৱেই নহ’ল। কিন্তু এদিনীয়া ক্ৰিকেটত ১০০ উইকেটৰ মাইলৰ খুঁটি স্পৰ্শ কৰিব পৰাটো মোৰ বাবে বিশেষ কথা।’’’
২০২২ চনত টি-২০ বিশ্বকাপ জয় কৰাটো উইলীয়ে ক্ৰিকেট কেৰিয়াৰৰ শ্ৰেষ্ঠ মুহূৰ্ত বুলি অভিহিত কৰে। ইংলেণ্ডৰ জাৰ্চি পিন্ধি খেলপথাৰত উঠিব পৰাটো তেওঁৰ জীৱনৰ আটাইতকৈ ডাঙৰ গৌৰৱ বুলিও কয়।
ইংলেণ্ডৰ হৈ ৭৩খন এদিনীয়া মেচত ১০০টা আৰু ৪৩খন টি-২০ মেচত ৫১টা উইকেট দখল কৰিছে উইলীয়ে। শনিবাৰে পাকিস্তানৰ বিৰুদ্ধে ৫৬ ৰানত ৩ উইকেট দখল কৰি এদিনীয়া ক্ৰিকেটত ১০০ উইকেটৰ মাইলৰ খুঁটিত উপনীত হয়।
Continue Reading
