ডিজিটেল ডেস্কঃ ক্ৰিকেট বিশ্বকাপ, হকী বিশ্বকাপ আৰু ফুটবল বিশ্বকাপৰ কথা সৰ্বজনবিদিত৷ কিন্তু জাবৰ বিশ্বকাপৰ কথা কিমানজনে শুনিছে।এই প্ৰতিবেদত আলোচিত হ’ব বিশ্বৰ এক অনন্য খেলৰ বিষয়ে, য'ত বহু দেশৰ খেলুৱৈয়ে অংশগ্ৰহণ কৰে। আটাইতকৈ ডাঙৰ কথাটো হ’ল এই খেলত মানুহে জাবৰ সংগ্ৰহ কৰে।
এইটো এক প্ৰকাৰৰ অনন্য খেল, যিটো জাপানত আৰম্ভ কৰা হৈছে। এই খেলৰ নাম হৈছে Spogomi World Cup।এইটো এটা জাপানী শব্দ, যাৰ অৰ্থ হৈছে জাবৰ সংগ্ৰহ কৰা। শেহতীয়া এই খেলখনত ২১খন দেশৰ খেলুৱৈয়ে অংশগ্ৰহণ কৰে। আচলতে এই খেলৰ উদ্দেশ্য হৈছে সমগ্ৰ বিশ্বতে পৰিষ্কাৰ-পৰিচ্ছন্নতা আৰু পৰিৱেশ বিষয়ক সজাগতা বিয়পাই দিয়া।
এই বিশ্বকাপত ২১খন দেশে অংশ লৈছিল যদিও এই খেলৰ বিজয়ী হৈ পৰিছিল ব্ৰিটেইন। এই খেলৰ সময়ত সকলো দলে ১২০৮ পাউণ্ড জাবৰ সংগ্ৰহ কৰিছিল। আটাইতকৈ ডাঙৰ কথাটো হ’ল তেওঁলোকে এই জাবৰবোৰ চহৰৰ পৰা সংগ্ৰহ কৰিব লগা হৈছিল। অৰ্থাৎ কোনো ব্যক্তিগত সম্পত্তিৰ পৰা জাবৰ ল’ব নোৱাৰিব। এই ক্ষেত্ৰত ব্ৰিটেনৰ খেলুৱৈ আগবাঢ়ি আছিল আৰু ২০ মিনিটত সৰ্বাধিক জাবৰ সংগ্ৰহ কৰিছিল। উল্লেখ্য যে এই খেলখন নিপ্পন ফাউণ্ডেচনে আয়োজন কৰিছিল। এতিয়া এই খেলখন ২০২৫ চনত টকিঅ’ত পুনৰ আয়োজন কৰা হ’ব।
আয়োজক দেশ জাপানৰ পৰাজয়ৰ সন্দৰ্ভত জাপানৰ বাতৰি ৱেবছাইট দ্য মাইনিচিৰ সৈতে হোৱা কথা-বতৰাত জাপানী দলৰ সদস্য টমো তাকাহাছিয়ে কয় যে আমি এই প্ৰতিযোগিতাত পৰাস্ত হোৱাটো অতি হতাশাজনক। আমি জয়ী হ’ব বিচাৰিছিলো। তেওঁ কয় যে আমি এই পৰাজয় পাহৰিব নোৱাৰোঁ, ২০২৫ চনত অনুষ্ঠিত হ’বলগীয়া বিশ্বকাপত আমি জয়ী হৈ দেখুৱাম। ইয়াৰ লগতে টমোৱে কয় যে আমি আশা কৰিছো যে এই খেলৰ পাছত সমগ্ৰ বিশ্বৰ মানুহে পৰিৱেশ বিষয়টোৰ প্ৰতি অধিক আগ্ৰহ প্ৰকাশ কৰিব।
Continue Reading
