ডিজিটেল ডেস্কঃ ১৯৭৫ চনৰ পৰা আৰম্ভ হৈছিল এদিনীয়া ক্ৰিকেট বিশ্বকাপ। আৰম্ভণিৰে পৰা কেইবাখনো দেশে এই প্ৰতিযোগিতাত অৱতীৰ্ণ হৈ আহিছে। চাও আহক বিশ্বকাপ ক্ৰিকেট খেলা দেশসমূহৰ তালিকা।
আৰম্ভণিৰে পৰা ইংলেণ্ড, ভাৰত, অষ্ট্ৰেলিয়া, পাকিস্তান, নিউজিলেণ্ড, ৱেষ্ট ইণ্ডিজ, শ্ৰীলংকাই ক্ৰিকেট বিশ্বকাপ খেলি আহিছে। মুঠ ১৩ বাৰ। ইয়াৰ ভিতৰত অষ্ট্ৰেলিয়াই পাঁচবাৰ, ভাৰতে দুবাৰ আৰু পাকিস্তান, শ্ৰীলংকা, ইংলেণ্ডে এবাৰকৈ বিশ্বকাপ জয় কৰিছে।
এসময়ত ক্ৰিকেটৰ মহাশক্তি ৱেষ্ট ইণ্ডিজ। আৰম্ভণিৰে পৰা খেলিছে কিন্তু এইবাৰ কোৱালিফাই নহ’ল। সেয়ে ১২ বাৰ খেলিছে। আফ্ৰিকা মহাদেশৰ জিম্বাবুৱেই ১৯৮৩ চনৰ পৰা ২০১৫ চনলৈ ৯ বাৰ বিশ্বকাপত খেলিছে। দক্ষিণ আফ্ৰিকাই ১৯৯২ চনৰ পৰা ২০২৩ চনলৈকে ৯ বাৰ খেলিছে। বাংলাদেশে ১৯৯৯ চনৰ পৰা ২০২৩ চনলৈ সাতবাৰ খেলিছে।
ইউৰোপিয়ান দেশ নেদাৰলেণ্ডে ১৯৯৬ৰ পৰা ২০২৩লৈকে পাঁচবাৰ খেলিছে। অনুৰূপধৰণে কেনিয়াই ১৯৯৬ ৰ পৰা ২০১১ লৈকে ৫ বাৰ খেলিছে। কানাডাই ১৯৭৯ৰ পৰা ২০১১ বিশ্বকাপলৈকে ৪ বাৰ খেলিছে। আয়াৰলেণ্ডে ২০০৭ৰ পৰা ২০১৫লৈকে ৩ বাৰ খেলিছে। আফগানিস্তানে ২০১৫ৰ পৰা ২০২৩লৈকে ৩ বাৰ খেলিছে। স্কটলেণ্ডেও ৩ বাৰ- ১৯৯৯, ২০০৭, ২০১৫।
সংযুক্ত আৰৱ আমিৰাত (UAE)-য়ে - ২ বাৰ খেলিছে- ১৯৯৬ আৰু ২০১৫লৈকে। নামিবিয়া আৰু বাৰ্মুদাই ক্ৰমে ২০০৩ আৰু ২০০৭ বিশ্বকাপত এবাৰকৈ খেলিছিল। ইয়াৰ উপৰিও উগাণ্ডা, তাঞ্জানিয়াকে ধৰি কেইবাখনো দেশেৰে গঠিত পূৱ আফ্ৰিকাই ১৯৭৫ চনৰ বিশ্বকাপ খেলিছিল।
Continue Reading
