ডিজিটেল ডেস্কঃ অষ্ট্ৰেলিয়াৰ বিৰুদ্ধে বিৰাট কোহলীয়ে দূৰ্দান্ত বেটিং কৰে। ভংগ কৰে শচীন টেণ্ডুলকাৰৰ এক অনন্য অভিলেখ। আইচিচিৰ প্ৰতিযোগিতাত ভাৰতীয়ৰ সৰ্বাধিক ৰানৰ অভিলেখ আথিল শচীন টেণ্ডুলকাৰৰ। দেওবাৰে সেই অভিলেখ ভংগ কৰিলে বিৰাটে।
আইচিচি প্ৰতিযোগিতাত শচীনে ৫৮ ইনিংছত ২৭১৯ ৰান সংগ্ৰহ কৰিছিল। আজি ৬৪ সংখ্যক ইনিংছ খেলিছিল বিৰাটে। সেই ইনিংছত তেওঁ শচীনক অতিক্ৰম কৰে। শচীন আৰু বিৰাটৰ বাহিৰেও আই চি চি প্ৰতিযোগিতাত ২০০০ ৰানৰ সীমা অতিক্ৰম কৰা একমাত্ৰ ভাৰতীয় ৰোহিত শৰ্মা।
ৰোহিত শৰ্মাইও বিশ্বকাপৰ মেচত দেশৰ আটাইতকৈ বয়সীয়াল অধিনায়ক হিচাপে পৰিগণিত হৈছে। তেওঁৰ বয়স ৩৬ বছৰ ১৬১ দিন। তেওঁ মহম্মদ আজাহাৰুদ্দিন (১৯৯৯ চনত ৩৬ বছৰ আৰু ১২৪ দিন), ৰাহুল দ্ৰাবিড (২০০৭ চনত ৩৪ বছৰ আৰু ৭১ দিন), এছ ভেংকটাৰঘৱন (১৯৭৯ চনত ৩৪ বছৰ আৰু ৫৬ দিন) আৰু এম এছ ধোনী (২০১৫ চনত ৩৩ বছৰ আৰু ২৬২ দিন)ক অতিক্ৰম কৰিছে।
এদিনীয়া বিশ্বকাপৰ ইতিহাসত শূণ্য ৰাণত অষ্ট্ৰেলিয়াৰ অ’পেনাৰক আউট কৰা প্ৰথমজন ভাৰতীয় হিচাপে পৰিগণিত হয় যশপ্ৰীত বুমৰাহ। তৃতীয় অভাৰত পেচাৰগৰাকীয়ে অ’পেনাৰ মিচেল মাৰ্ছক আউট কৰে।
অষ্ট্ৰেলিয়াৰ হৈ ডেভিদ ৱাৰ্নাৰেও বিশ্বকাপত ১০০০ ৰান সম্পূৰ্ণ কৰে। অ’পেনাৰগৰাকীয়ে ৫২টা বলত ৪১ ৰান সংগ্ৰহ কৰে।
Continue Reading
