ডিজিটেল ডেস্কঃ দেওবাৰে চেন্নাইত অষ্ট্ৰেলিয়াৰ বিৰুদ্ধে এক অনন্য অভিলেখ গঢ়ে বিৰাট কোহলী আৰু কে এল ৰাহুলে। এদিনীয়া বিশ্বকাপৰ ইতিহাসত ভাৰতৰ সৰ্বোচ্চ চতুৰ্থ উইকেটৰ যুটীৰ কৃতিত্ব লাভ কৰিছে দুয়ো।
দুয়ো ১৪২ ৰান কৰি ১৯৯৬ চনৰ বিশ্বকাপত নৱজোত সিদ্ধু আৰু বিনোদ কাম্বলীয়ে চতুৰ্থ উইকেটত সংগ্ৰহ ৰাণ সংখ্যাক অতিক্ৰম কৰে।
উল্লেখ্য যে ইনিংছৰ আৰম্ভণিতেই ২ ৰাণত তিনিটা উইকেট হেৰুৱাইছিল ভাৰতে। কিন্তু ৰাহুল আৰু কোহলীৰ বাবেই শক্তিশালী স্থিতিত উপনীত হয় দলটো।
আনহাতে, বিশ্বকাপৰ বাদে এদিনীয়া খেলতে ভাৰতৰ সৰ্বোচ্চ চতুৰ্থ উইকেট অংশীদাৰিত্ব আছে অজয় জাদেজা আৰু মহম্মদ আজহাৰুদ্দিনৰ নামত। দুয়ো ১৯৯৮ চনত জিম্বাবুৱেৰ বিৰুদ্ধে ২৭৫ ৰান কৰিছিল।
Continue Reading
