ভাৰতৰ ৰাজনৈতিক ক্ষেত্ৰ খনত চলচ্চিত্ৰ তাৰকাকে ধৰি আন ক্ষেত্ৰৰ বহু লোকে নিজৰ স্থিতি সবল কৰি তুলিবলৈ সক্ষম হৈছে। শেহতীয়াকৈ ৰাজনৈতিক প্ৰেক্ষাপটত ভুমুকি মাৰিছে ক্ৰিকেটাৰ ৰবীন্দ্ৰ জাদেজাৰ পত্নীয়েও। পূৰ্বে লোকসভা নিৰ্বাচনত বিজেপিৰ পৰা টিকট পাম বুলি আশা কৰি থকা

Listen to Article

2 min read

80%

ডিজিটেল ডেস্কঃ ভাৰতৰ ৰাজনৈতিক ক্ষেত্ৰ খনত চলচ্চিত্ৰ তাৰকাকে ধৰি আন ক্ষেত্ৰৰ বহু লোকে নিজৰ স্থিতি সবল কৰি তুলিবলৈ সক্ষম হৈছে। শেহতীয়াকৈ ৰাজনৈতিক প্ৰেক্ষাপটত ভুমুকি মাৰিছে ক্ৰিকেটাৰ ৰবীন্দ্ৰ জাদেজাৰ পত্নীয়েও। পূৰ্বে লোকসভা নিৰ্বাচনত বিজেপিৰ পৰা টিকট পাম বুলি আশা কৰি থকা জাদেজাৰ পত্নীয়ে এইবাৰ গুজৰাট বিধানসভা নিৰ্বাচনত টিকট পোৱাটো এক প্ৰকাৰ খাটাং হৈ পৰিছে বুলি বিজেপিৰ শীৰ্ষ সূত্ৰই প্ৰকাশ কৰিছে।

জাদেজাৰ পত্নী ৰিভাবা জাদেজাই গুজৰাটৰ বিধানসভা নিৰ্বাচনত প্ৰতিদ্বন্দিতা কৰাৰ সম্ভাৱনা থকাৰ কথা বহু দিনৰে পৰা আলোচনা হৈ আছিল। বিগত প্ৰায় তিনি বছৰ ধৰি ৰিভাবা এগৰাকী বিজেপি নেত্ৰী। জানিব পৰা মতে এইবাৰ গুজৰাটৰ বিধানসভা নিৰ্বাচনৰ বাবে প্ৰাৰ্থীৰ সম্ভাৱ্য তালিকা প্ৰস্তুত কৰা হৈছে। বিজেপিৰ শীৰ্ষ নেতৃত্বই সেই তালিকাত ৰিভাবৰ নামো সন্নিবিষ্ট কৰিছে। বুধবাৰে, গুজৰাট নিৰ্বাচনৰ বাবে প্ৰাৰ্থীৰ চূড়ান্ত তালিকা সম্ভাৱ্য তালিকাৰ পৰা যোগ্য প্ৰাৰ্থী বাছনি কৰি প্ৰস্তুত কৰা হ'ব। বিজেপিয়ে এইবাৰ গুজৰাট বিধানসভা নিৰ্বাচনত কেইবাখনো নতুন মুখক অগ্ৰাধিকাৰ দিব।জাদেজাৰ পত্নীয়ে ২০১৯ ৰ লোকসভা নিৰ্বাচনৰ সময়তো প্ৰাৰ্থিত্বক বিচাৰিছিল যদিও সফল হ’ব পৰা নাছিল।

ইপিনে বিশেষজ্ঞসকলে আগতে কৈছিল যে এইবাৰ গুজৰাট বিধানসভা নিৰ্বাচন বিজেপিৰ বাবে অলপ কঠিন হ'ব। কাৰণ গুজৰাট নিৰ্বাচনত এইবাৰ আম আদমী পাৰ্টীয়েও তীব্ৰ প্ৰতিদ্বন্দ্বিতাত নামিছে। দিল্লীৰ পিছত আপৰ প্ৰতিষ্ঠাপক অৰবিন্দ কেজৰিৱালে পঞ্জাৱত ক্ষমতা দখল কৰাৰ বিষয়টোকলৈ বহু বেছি আত্মবিশ্বাসী হৈ আছে। আপক ৰুধিবলৈ মোদীয়ে গুজৰাটত ১.১৬ লাখ কোটি টকাৰ আঁচনিৰ কথাও ঘোষণা কৰিছে।